بىتىمگەر ايەلدەردى قولداۋ ناۋقانى بۇۇ-نىڭ قاۋىپسىزدىك كەڭەسى قارارلارىنىڭ 20 جىلدىعىنا وراي بۇكىل الەم بويىنشا ديپلوماتيالىق ميسسيالار جەلىسى ارقىلى وتكىزىلەدى. اتالعان ناۋقان 8 ناۋرىز حالىقارالىق ايەلدەر كۇنى باستاۋ الادى.
كەزدەسۋدە قازاقستاندىق بىتىمگەر ايەلدەردىڭ بەيبىتشىلىكتى قولداۋعا قوسقان ۇلەسىن مويىنداۋ مۇمكىندىگى قاراستىرىلدى.
اسكەري قىزمەتشى ايەلدەر ەرەكشە گۋمانيتارلىق ميسسيانى ورىندايدى. ولار قارۋلى قاقتىعىستار قۇرباندارىنىڭ ەڭ وسال ساناتتارىمەن جۇمىس ىستەيتىن «Female engagement team» ارنايى توپتارىنا كىرەدى, – دەپ اتاپ ءوتتى بىتىمگەرشىلىك دايارلىق ورتالىعى باسقارماسىنىڭ باستىعى پولكوۆنيك ديليا احمەتوۆا.
وسى بۇۇ-نىڭ قاۋىپسىزدىك كەڭەسىنىڭ قارارلارى, سونداي-اق بەيبىتشىلىكتى قولداۋ جونىندەگى وپەراتسيالارعا قاتىستى بىرلەسكەن مىندەتتەمەلەر تۋرالى دەكلاراتسيا وپەراتسيالارىن جۇرگىزۋ كەزىندە, ونىڭ ىشىندە اسكەري جانە پوليتسيا بىتىمگەرلىك قىزمەتكەرلەرى قۇرامىندا ايەلدەردىڭ قاتىسۋىن كەڭەيتۋگە باعىتتالعان.
ەستەرىڭىزگە سالا كەتسەك, قازاقستان قارۋلى كۇشتەرىنەن شتاب وفيتسەرلەرى مەن اسكەري باقىلاۋشىلار رەتىندە ءتورت ايەل باتىس ساحارا مەن ليۆانداعى بۇۇ-نىڭ ميسسيالارىنا قاتىستى.
