نىسان پاركتىڭ وڭتۇستىك-شىعىسىندا, ۆەلوترەك ماڭىنان سالىنباق. جوبا بويىنشا ينجەنەرلىك قۇبىرلارى جوق, 327 ورىنعا لايىقتالعان, جەرتولەسى بار التى قاباتتى عيمارات سالۋ كوزدەلگەن. 1 ناۋرىز كۇنى ساعات 10:00-دە وسى جوبا بويىنشا قوعامدىق تىڭداۋ ۇيىمداستىرىلادى. شارا ورتالىق پاركتە وتەدى.
قۇجاتتاماعا سۇيەنسەك, 4,252 گەكتار بولاتىن ۋچاسكە اۋماعى جەكە مەنشىككە تيەسىلى. وڭتۇستىك تاراپىندا قۇرىلىس جوق بوس اۋماق بار, شىعىسىندا ورمانوۆ كوشەسى جاقتا 50 مەتردەي جەردە – تۇرعىن ءۇي قۇرىلىسى ءجۇرىپ جاتىر. سولتۇستىگىندە اباي اتىنداعى ۋنيۆەرسيتەت كورپۋسى ورنالاسسا, باتىسىنداعى اۋماق ازىرگە بوس جاتىر.
جاقىن جەردەگى تۇرعىن ءۇي شىعىس تاراپتا جوبالانعان نىسان شەكاراسىنان 50 مەتر قاشىقتا ورنالاسقان. جاربۇلاق وزەنى شىعىس جاعىندا 300 مەتر قاشىقتا, ال كىشى الماتى وزەنى 490 مەتر جەردە, باتىس تاراپتان اعىپ وتەدى. نىسانداعى قۇرىلىس جۇمىستارى سۋ قورعاۋ ايماقتارىنان تىس جەرلەردە جۇرگىزىلمەك. قۇرىلىس جوباسىمەن الماتى قالالىق جاسىل ەكونوميكا باسقارماسىنىڭ رەسمي سايتىندا تانىسۋعا بولادى.
