باستاپقىدا Baa3 رەيتينگىنىڭ «وڭ» بولجامى قازاقستانعا 2019 جىلدىڭ تامىز ايىندا بەرىلدى.
Baa3 مارتەبەسىن ساقتاۋعا جانە كرەديتتىك رەيتينگ بويىنشا وڭ بولجام جاساۋعا مۇمكىندىك بەرگەن فاكتورلار مەملەكەتتىك بورىشتىڭ تومەن دەڭگەيى, ەداۋىر فيسكالدىق رەزەرۆتەر, ەكونوميكا جانە حالىق تابىسىنىڭ ءوسىمىنىڭ جوعارى الەۋەتى, ۇكىمەتتىڭ داعدارىسقا قارسى شارالاردى قالىپتاستىرۋداعى جانە فيسكالدىق تۇراقتىلىقتى قامتاماسىز ەتۋدەگى يكەمدىلىگى پەن تيىمدىلىگى بولدى.
Moody's ءوندىرۋشى جانە وڭدەۋشى سەكتورلاردا ەكونوميكا ءوسىمىنىڭ جوعارى الەۋەتىن وڭ باعالاپ, 2020 جىلى ناقتى سەكتور ءوسىمىنىڭ وڭ قارقىنىن اتاپ ءوتتى.
بۇل فاكتورلار پاندەميانىڭ تارالۋىنا بايلانىستى ەكونوميكالىق كۇيزەلىستەرگە قارسى ايتارلىقتاي اسەر ەتتى.
اتالعان ديناميكانى ەسكەرە وتىرىپ, Moody's قازاقستان ەكونوميكاسىنىڭ كرەديتتىك رەيتينگىنىڭ جوعارىلاۋ ىقتيمالدىعىن اتاپ وتەدى. سونداي-اق قازاقستاننىڭ كرەديتتىك رەيتينگىن ارتتىرۋ ءۇشىن الەۋەتتى قالىپتاستىراتىن فاكتورلار — ينستيتۋتسيونالدىق ورتانى ودان ءارى رەفورمالاۋعا ازىرلىك, ەكونوميكانى ودان ءارى ءارتاراپتاندىرۋ, بانك سەكتورىنىڭ ورنىقتىلىعىن ارتتىرۋ جونىندەگى شارالار.
بۇعان دەيىن, 15.02.2021, اكرا (رف) اناليتيكالىق كرەديتتىك رەيتينگ اگەنتتىگى بولجامدى «تەرىستەن» «تۇراقتىعا» جاقسارتا وتىرىپ, قازاقستاننىڭ پاندەمياعا دەيىنگى كرەديتتىك رەيتينگتەرىن راستادى.
