اتالعان ەمدەۋ مەكەمەسى كوروناۆيرۋس ينفەكتسياسىنا شالدىققان وتە اۋىر حالدەگى ناۋقاستاردى قابىلداعان جانساقتاۋ بولىمشەسى بار اۋرۋحانا رەتىندە جۇمىس اتقاردى. اسحات قويباعار ۇلى وسى اتقارىلعان جۇمىستاردىڭ باسىندا ءوز ءىسىنىڭ وزىق مامانى ەكەنىن دالەلدەپ, انەستەزيولوگ-رەانيماتولوگ دارىگەر رەتىندە جاعدايى وتە اۋىر ناۋقاستارعا دەر كەزىندە ساپالى مەديتسينالىق كومەك كورسەتىپ, مىڭداعان جاننىڭ ءومىرىن امان الىپ قالدى.
اسحات جاكيباەۆ قازىرگى ۋاقىتتا جوعارى دارەجەلى انەستەزيولوگ-رەانيماتولوگ مامانى رەتىندە جانسىزداندىرۋدىڭ بارلىق تۇرلەرىن وزىق مەڭگەرگەن, مەديتسينالىق مانيپۋلياتسيالاردىڭ كەز-كەلگەن ءتۇرىن جاسايتىن ۇزدىك مامان رەتىندە تانىلدى.
جاۋاپكەرشىلىگى جوعارى بىلىكتى مامان باستاماشىلدىعىمەن دە ەرەكشەلەنەدى. كوشباسشىلىق قاسيەتتەرىمەن تانىلىپ, اۋرۋحانا جۇمىسىن جوعارى دەڭگەيدە ۇيىمداستىرۋ قابىلەتىنە يە. قوعامدىق جۇمىسقا بەلسەندى قاتىسادى.
