2018 جىلى ءوز جۇمىسىن باستاعان ءوندىرىس ورنىندا قازىرگى تاڭدا 33 ادامدى تۇراقتى جۇمىسپەن قامتىلعان. تەك وتاندىق شيكىزات قولدانىلاتىن كاسىپورىن جىلىنا 70 مىڭ شارشى مەتر ءونىم وندىرۋگە قاۋقارلى. بۇل جەردە وندىرىلگەن شىنى موزايكالارى ساپاسى مەن قولدانۋ وڭتايلىلىعىنىڭ ارقاسىندا ىشكى نارىقتا عانا ەمەس شەتەلدە دە سۇرانىسقا يە.
– «GIDROSTROY GLASS MOSAIC» برەندى ەلىمىزدە ەڭ العاش وندىرىلگەن شىنى موزايكاسى. سونىمەن بىرگە, ساپاسى جاعىنان دا بىرەگەي ءونىم. ءبىز ءتۇرلى نارىققا ساي كەلەتىن جاڭا تاسىلدەر بويىنشا يننوۆاتسيالىق دامۋ جولىمەن كەلەمىز. كۇن سايىن ءونىم تۇرلەرىنىڭ الۋاندىلىعى مەن ساپاسىن ارتتىرۋ جانە جاڭا باستامالاردى جۇزەگە اسىرۋدا وڭ ناتيجەلەرگە قول جەتكىزىپ وتىرمىز,- دەيدى كاسىپكەر ولەگ حاتاموۆ.
كاسىپكەر 2019 جىلى ءوندىرىس ورنىنا زاماناۋي قۇرال-جابدىقتار ساتىپ الۋ ءۇشىن ەكىنشى دەڭگەيلى بانكتەن 14,25% نەسيە الىپ, ونىڭ 7,13% «دامۋ» قورى سۋبسيديالايدى. سونىمەن قاتار, جەتكىلىكسىز كەپىلزات ورنىنا قور ءوز كەپىلدىگىن بەرگەن.
