“ديدار” كينوفەستيۆالى

الداعى ازيادا ويىندارى مەن ەلىمىزدىڭ ەقىۇ-عا توراعالىق ەتۋىنە ارنالماق بيىل بەسىنشى رەت بولاتىن “ديدار” – الماتى ستۋدەنتتەر كينو­فەستيۆالى “جاڭا ونجىل­دىق – قازاقستان جاستارىنىڭ جاڭا سەرپىلىسى” دەگەن ۇرانمەن وتكەلى وتىر. اتالمىش كينو­فەستيۆال الداعى ءVىى قىسقى ازيا ويىندارىن جاستار ارا­سىندا ناسيحاتتاپ ءارى ەلىمىزدىڭ ەىقۇ-عا توراعالىق ەتۋ قۇر­مەتىنە قۇرىلماق. العاش رەت اتالمىش كينو­فەستيۆال الماتى جاستارى اراسىندا وتكىزىلگەن بولاتىن. اراعا جىل سالىپ رەسپۋبليكالىق دەڭگەيگە كوتەرىلدى. حالىقارالىق دەڭگەيگە كوتەرىلۋگە الەۋەتى بار كينودودا بەس جىل ىشىندە ءبىر­قاتار تالانتتى جاستارىمىزدىڭ تىرناقالدى تۋىندىلارىنىڭ تۇساۋىن كەسىپ, ۇلكەن ەكرانعا جولداما بەرۋدەن جاڭىلماي كەلە جاتىر. كينوفەستيۆالدىڭ ماق­ساتى دا ايقىن, ول – ءوز زامان­داستارىن تۋعان ەلدى قۇرمەتتەۋگە شاقىرا­تىن جانە ۇلتتىق ءۇردىس پەن مادەنيەتتى تەرەڭ ناسيحاتتاي الاتىن دارىندى جاستاردى تابۋ. كينووندىرىسى سالاسىندا الماتى جاستار كينوفەستيۆالى­نىڭ اتقارىپ وتىرعان تىرلىگى تولايىم بولماسا دا جاس سۋرەت­كەرلەردىڭ قابىلەتىن شىڭداۋعا, جىگەرلەندىرۋگە ىقپالى بار ەكەنىن ونەرتانۋشىلار مويىن­دايدى. ونىڭ ۇستىنە “ديدار” فەستيۆالىنىڭ الماتى قالالىق اكىمدىگىنەن دە بولەك, التى بىردەي ۇيىمداستىرۋشىسى بار. ولار – الماتى قالاسى جاستار ساياساتى جونىندەگى باسقارماسى, “ديدار” پروديۋسەرلىك ورتالىعى” قوعام­دىق قورى, الماتى جاستار سايا­ساتىن دامىتۋ مەملەكەتتىك قورى, ت.جۇرگەنوۆ اتىنداعى قازاق ۇلتتىق ونەر اكادەمياسى. رەسمي قولداۋشىلارى مادەنيەت مي­نيسترلىگى مەن “نۇر وتان” حدپ “جاس وتان” جاستار قاناتى. جەتى بىردەي ماقساتقا قۇرىل­عان كينوفەستيۆال اياسىندا ستۋدەنت­تەر فيلمدەرىنىڭ, شىعار­ماشى­لىق ۇجىمدار قاتىسقان فيلمدەر مەن مۋزىكالىق كليپ­تەر بايقاۋى وتەدى. سول سياقتى “قازاقستاندىق جاستار كينوسى: الەمدىك كينو­نارىقتا الاتىن ورنى” تاقىرى­بىنا دوڭگەلەك ۇستەل, شەبەرلىك دارىستەر وتپەك. بايقاۋ بارىسىنان بولەك, اق­پارات­تىق فيلمدەردىڭ كورسەتى­لىم­دەرىن جاساۋ كوزدەلىپ وتىر. بايقاۋعا 2008-2010 جىلدار ارا­لىعىندا قازاق جانە ورىس ءتىل­دەرىندە “مەنىڭ قازاق­ستانىم!” ۇرانى اياسىندا ءتۇسىرىل­گەن كور­كەم­سۋرەت­تى, دەرەكتى, انيماتسيا­لىق فيلم­دەر مەن مۋزىكالىق بەينەكليپ­تەر قابىلدانباق. ايناش ەسالي. الماتى.