«اتامەكەن» وڭىرلىك كاسىپكەرلەر پالاتاسىنىڭ ديرەكتورى راشيت مۇستاپاەۆتىڭ ايتۋىنشا, ۇشجاقتى مەموراندۋم ماڭعىستاۋ وبلىسىنىڭ ىسكەرلىك ورتاسى مەن الەۋمەتتىك سالاداعى ەكولوگيالىق اسپەكتىنىڭ الەۋەتىن كۇشەيتۋگە ارنالعان.
«ەكوجەر» رەسپۋبليكالىق قاۋىمداستىعىنىڭ ماڭعىستاۋ وبلىسى بويىنشا ايماقتىق ەكولوگيالىق كەڭەسىنىڭ توراعاسى قاجىمۇرات حايرۋشەۆ ادامنىڭ ەكولوگيالىق ويلاۋ قابىلەتى بالا كەزدەن قالىپتاسۋى ءتيىس دەگەن پىكىردە. ول تابيعاتقا دەگەن قۇرمەت سەزىمىن مەكتەپ جاسىنان باستاپ باستاۋعا, ءبىلىم ورداسىندا جالعاستىرۋعا جانە ستۋدەنتتىك جىلداردى بوسقا وتكىزىپ الماۋ ماڭىزدى دەگەن ويىن اشىق جەتكىزدى.
ءوز كەزەگىندە, «تابيعي ورتا» باتىس-قازاقستان ايماقتىق ۇەۇ قاۋىمداستىعى كەڭەسىنىڭ توراعاسى ادىلبەك قوزىباقوۆ, بيوارتۇرلىلىكتى ساقتاۋ سالاسىنداعى ىنتىماقتاستىقتىڭ ماڭىزدى تۇستارىن اتاپ ءوتتى. ۇستىرتتەگى تاۋ ەشكىلەرى (ۋريالدى), اقبوكەندەردىڭ, كاسپي يتبالىقتارىنىڭ, ساكار سۇڭقارىنىڭ, بەكىرە بالىقتارىنىڭ جانە باسقا دا سيرەك كەزدەسەتىن جانە جويىلۋ قاۋپى بار جانۋارلار مەن وسىمدىكتەردىڭ ماڭعىستاۋ وبلىسىنداعى جاعدايعا الاڭداۋشىلىق ءبىلدىردى.
مەموراندۋمعا قول قويۋ ارقىلى تاراپتار الداعى ۋاقىتتا حالىقتىڭ, سونىمەن قاتار كاسىپكەرلەردىڭ ەكولوگيالىق مادەنيەتىن جاقسارتۋعا كۇش سالۋدى كوزدەيدى.
ماڭعىستاۋ وبلىسى
