بۇل تۋرالى وبلىستىق ادىلەت دەپارتامەنتى باسشىسىنىڭ ورىنباسارى ەستاي راشقاليەۆ حابارلادى.
مالىمەتتەرگە قاراعاندا وڭىردەگى تۋ تۋرالى تىركەۋ سانى 2019 جىلمەن سالىستىرعاندا 13 401-دەن 13 614-كە كوبەيگەن. نەكە قيۋ تۋرالى جازبالار دا كوبەيىپ, كەرىسىنشە نەكە بۇزۋ جازباسى وتكەن جىلعىمەن سالىستىرعاندا تومەندەگەن. وبلىس بويىنشا جالپى تىركەلگەن اكت جازبالارىنىڭ سانى 25163-كە جەتىپ, 2019 جىلمەن سالىستىرعاندا 1,5%-عا كوبەيگەن.
– 2020 جىلى باتىس قازاقستان وبلىسى ادىلەت دەپارتامەنتى جالپى سانى 1116 مەملەكەتتىك قىزمەت كورسەتتى. ونىڭ 1046-سى, ياعني 93,7%-ى ەلەكتروندى تۇردە جاسالدى, – دەيدى ەستاي راشقاليەۆ. تاراتىپ ايتساق, وڭىردە ادۆوكاتتىق قىزمەتپەن اينالىسۋعا ۇمىتكەر 16 تۇلعانى, نوتارياتتىق قىزمەتپەن اينالىسۋ قۇقىعىنا ۇمىتكەر 9 تۇلعانى, جەكە سوت ورىنداۋشىسى قىزمەتىمەن اينالىسۋ قۇقىعىنا ۇمىتكەر 10 تۇلعانى اتتەستاتسيالاۋ بويىنشا قۇجاتتار تىركەلگەن ەكەن.
ادىلەت ورگاندارى اتقاراتىن مەملەكەتتىك قىزمەتتىڭ ءبىر پاراسى – كوممەرتسيالىق ەمەس زاڭدى تۇلعالاردى مەملەكەتتىك تىركەۋ, ولاردىڭ فيليالدارى مەن وكiلدiكتەرىن ەسەپتiك تiركەۋگە قاتىستى. وسىعان سايكەس, وتكەن جىلى باتىس قازاقستان وبلىسىندا 92 زاڭدى تۇلعا جاڭادان تىركەلسە, 207 ۇيىمنىڭ قۇرىلتاي قۇجاتتارىنا وزگەرتۋلەر مەن تولىقتىرۋلار ەنگىزىلگەن. 95 ۇيىم قايتا تىركەۋدەن ءوتىپ, 55 زاڭدى تۇلعا تاراتىلعان.
– وسى ۋاقىت ىشىندە 71 زاڭدى تۇلعانى, ولاردىڭ فيليالدارى مەن وكىلدىكتەرىن زاڭدى تىركەۋدەن باس تارتتىق. زاڭدى تۇلعالاردى تىركەۋ بويىنشا وبلىس سوتتارىنا 6 تالاپ ارىز ءتۇسىپ, ونىڭ ۇشەۋى قاناعاتتاندىرىلدى. ادىلەت دەپارتامەنتىنىڭ ءوزى قازاقستان رەسپۋبليكاسى «زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ تۋرالى» زاڭىنىڭ 16-بابىنا سايكەس 25 تالاپ-ارىزدى سوتقا جولداپ, ونىڭ 24-ءى قاناعاتتاندىرىلدى, – دەيدى ەستاي راشقاليەۆ.
تىركەۋ كەزىندە تولەنەتىن مىندەتتى تولەمدەردەن بيۋدجەتكە 2 011 691,5 تەڭگە قاراجات تۇسكەن.
