28 جاستاعى ايتكۇل ەسىمدى قالا تۇرعىنى ءبىرازدان بەرى ۇل ءسۇيۋدى ارمانداپ جۇرگەن ەدى. ارمانى ورىندالىپ, ومىرگە بىردەن شەكەسى تورسىقتاي ءۇش ۇلدى اكەلدى.
ايتا كەتەيىك, تۋعان ساتتە ۇشەمنىڭ سالماعى 1570گر, 1610گر, 1820 گرامم بولعان ەكەن. قازىرگى كۇنى بەكاسىل, ەراسىل, جاناسىل ەسىمدى بالاقايلار سالماق قوسىپ, دەنساۋلىق جاعدايلارى جاقسارعان.
مەرزىمىنەن ەرتە تۋىلعان ۇشەمدەر ەكى اپتاعا جۋىق قالالىق پەريناتالدىق ورتالىقتاعى مامانداردىڭ باقىلاۋىندا بولدى. دەنساۋلىق ساقتاۋ باسقارماسىنىڭ باسشىسى مەن دارىگەرلەر جاڭا تۋعان نارەستەلەرگە سىيلىق تابىستاپ, پەرزەنتحانادان سالتاناتپەن شىعارىپ سالدى.
بۇل ءۇش ءسابي – بيىلعى جىلدىڭ العاشقى ۇشەمدەرى. جىل باسىنان بەرى قالادا 3753 ءسابي دۇنيەگە كەلسە, ولاردىڭ باسىم بولىگى ۇلدار.
