استانا قالاسىندا شانحاي ىنتىماقتاستىق ۇيىمىنا (بۇدان ءارى – شىۇ) مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس بويىنشا وكىلەتتىكتەر بەرىلگەن قۇزىرەتتى ورگاندارى باسشىلارى كەڭەسىنىڭ ەسىرتكىگە قارسى سۇرانىستى تومەندەتۋ جونىندەگى ساراپشىلارى جۇمىس توبىنىڭ وتىرىسى بولىپ ءوتتى.
استانا قالاسىندا شانحاي ىنتىماقتاستىق ۇيىمىنا (بۇدان ءارى – شىۇ) مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس بويىنشا وكىلەتتىكتەر بەرىلگەن قۇزىرەتتى ورگاندارى باسشىلارى كەڭەسىنىڭ ەسىرتكىگە قارسى سۇرانىستى تومەندەتۋ جونىندەگى ساراپشىلارى جۇمىس توبىنىڭ وتىرىسى بولىپ ءوتتى.
وتىرىس بارىسىندا سان-سالالى ماسەلەلەر قارالدى. تاراپتاردىڭ شىۇ-عا مۇشە مەملەكەتتەردىڭ 2011-2016 جىلدارعا ارنالعان ەسىرتكىگە قارسى ستراتەگياسىن 2014 جىلى ودان ءارى ىسكە اسىرۋ جونىندەگى ۇسىنىستارى تالقىلاندى. سونداي-اق, ەسىرتكى قىلمىستارىن جاساعان ەسىرتكى تۇتىنۋشىلاردىڭ بالامالى جاۋاپكەرشىلىگى ينستيتۋتىنىڭ جۇمىس ىستەۋى, ونى ىسكە اسىرۋ پروبلەمالارى, رەسمي ستاتيستيكالىق دەرەكتەردىڭ شىنايىلىعىن قامتاماسىز ەتۋ ماقساتىندا دەنساۋلىق ساقتاۋ جانە قۇقىق قورعاۋ ورگاندارىندا ەسىرتكىگە تاۋەلدىلەردى ەسەپكە الۋدىڭ وبەكتيۆتى جۇيەسىن قالىپتاستىرۋ, ۇكىمەتتىك ەمەس ۇيىمدارمەن جانە قوعامدىق بىرلەستىكتەرمەن ءوزارا تاجىريبە الماسۋ جۇزەگە اسىرىلدى.
– قابىلدانىپ جاتقان شارالاردىڭ ناتيجەلىلىگىن سيپاتتايتىن ماڭىزدى فاكتور رەتىندە قازاقستاننىڭ ەسىرتكىگە تاۋەلدى ازاماتتارىنىڭ سانىن تۇراقتاندىرۋ عانا ەمەس, ونى قىسقارتۋ ماسەلەسىن دە قاراۋ قاجەت. سوڭعى بەس جىلدا ولاردىڭ سانى 26%-عا (54669-دان 40224-كە دەيىن) تومەندەدى. ەسىرتكى تۇتىنۋشىلاردىڭ جاس شامالارىنىڭ «قارتايۋىن» باستاپقى پروفيلاكتيكا بويىنشا جۇرگىزىلىپ جاتقان جۇمىستا قول جەتكەن ماڭىزدى جەتىستىك دەپ اتاۋعا بولادى. كامەلەتكە تولماعاندار سانى 64%-عا (723-تەن 263-كە) تومەندەدى. بۇل دۇرىس باسىمدىقتاردى جانە جاستارىمىزدىڭ بويىندا قۇندىلىقتاردى قالىپتاستىرۋ, سالاماتتى ءومىر سالتىن ناسيحاتتاۋ بويىنشا جۇرگىزىپ وتىرعان جۇمىسىمىزدىڭ تيىمدىلىگىن كورسەتەدى, – دەپ اتاپ ءوتتى وتىرىسقا توراعالىق ەتكەن ەلىمىز ءىىم ەسىرتكى بيزنەسىنە قارسى كۇرەس كوميتەتى توراعاسىنىڭ ورىنباسارى, پوليتسيا پولكوۆنيگى باقىتجان بەيسەەۆ.
وتىرىستا قول جەتكىزىلگەن ۋاعدالاستىقتار, قابىلدانعان شەشىمدەر شىۇ-عا مۇشە مەملەكەتتەردە ەسىرتكىگە قارسى سۇرانىستى تومەندەتۋدىڭ ءتيىمدى كەشەندىك جۇيەسىن قالىپتاستىرۋ ماقساتىندا قۇزىرەتتى ورگانداردىڭ ەسىرتكىنىڭ زاڭسىز اينالىمىنا قارسى جۇمىسىن ۇيلەستىرۋدىڭ نەعۇرلىم جوعارى دەڭگەيىنە قول جەتكىزۋگە جانە ناشاقورلىقتىڭ الدىن الۋدى جەتىلدىرۋگە مۇمكىندىك بەرەدى.
«ەگەمەن-اقپارات».
