قوعام • 16 اقپان، 2021

زەينەتاقى جيناقتارىنىڭ ءبىر بولىگىن الۋعا 115 608 ءوتىنىم قابىلداندى

73 رەت كورسەتىلدى

بيىلعى 12 اقپانداعى جاعداي بويىنشا 1 855،9 ملرد تەڭگە سوماسىنا زەينەتاقى جيناقتارىنىڭ ءبىر بولىگىن الۋعا 115 608 ءوتىنىم قابىلداندى. بۇل تۋرالى قر ۇلتتىق بانكىنىڭ توراعاسى ەربولات دوساەۆ پرەمەر-مينيستر ا. ءماميننىڭ توراعالىعىمەن وتكەن ۇكىمەت وتىرىسىندا مالىمدەدى. وتىرىستىڭ كۇن تارتىبىندە بيىلعى قاڭتارداعى الەۋمەتتىك-ەكونوميكالىق دامۋ قورىتىندىلارى جانە رەسپۋبليكالىق بيۋدجەتتىڭ اتقارىلۋى ماسەلەلەرى تالقىلاندى، دەپ حابارلايدى Egemen.kz.

ۇلتتىق بانك 2020 جىلعى 4-توقساندا كاسىپورىندارعا جۇرگىزگەن مونيتورينگ ينۆەستيتسيالىق بەلسەندىلىك پەن ءوندىرىس كولەمىنىڭ تومەندەۋىنە بايلانىستى ناقتى سەكتورداعى ەكونوميكالىق بەلسەندىلىكتىڭ تومەن قارقىنىنىڭ ساقتالۋىن كورسەتۋدە.

سونىمەن بىرگە سۇرانىستىڭ قالپىنا كەلۋى جانە دايىن ءونىم باعاسىن ءوسىرۋدىڭ جىلدامداۋى، كرەديتتەر بويىنشا پايىزدىق مولشەرلەمەلەردىڭ تومەندەۋى بايقالادى.

كومپوزيتتىك وزىق ينديكاتور ناقتى سەكتوردا ەكونوميكالىق بەلسەندىلىكتىڭ بىرتىندەپ قالپىنا كەلۋ بەلگىلەرىنىڭ پايدا بولۋىن كورسەتۋدە. 

بيىلعى قاڭتاردا جىلدىق ينفلياتسيا 7،4%-كە دەيىن باياۋلادى. ازىق-ت ۇلىك ينفلياتسياسى باعانىڭ جالپى وسۋىنە ۇلكەن ۇلەس قوسۋدا. ازىق-ت ۇلىك تاۋارلارى باعاسىنىڭ جىلدىق ءوسۋى جەكەلەگەن تاۋار نارىقتارىندا تەڭگەرىمسىزدىكتىڭ ساقتالۋى اياسىندا 2020 جىلعى جەلتوقسانداعى 11،3%-دان بيىلعى قاڭتاردا 11،4%-عا دەيىن جىلدامدادى.

ينفلياتسيانىڭ ازىق-ت ۇلىككە جاتپايتىن جانە سەرۆيستىك كومپونەنتىنىڭ سەرپىنى ءالسىز تۇتىنۋشىلىق سۇرانىس اياسىندا سالىستىرمالى تۇردە تۇراقتى بولىپ قالۋدا.

ازىق-ت ۇلىككە جاتپايتىن ينفلياتسيا 5،5%-تەن 5،3%-كە دەيىن، اقىلى قىزمەتتەر ينفلياتسياسى 4،2%-تەن 4،1%-كە دەيىن باياۋلادى. ازىق-ت ۇلىك ينفلياتسياسىنىڭ 2020 جىلعى قاراشادان باستاپ جىلدامداۋىنا بايلانىستى قر ۇلتتىق بانكىنىڭ توراعاسى بارىنشا سەزىمتال تاماق ونىمدەرىنە باعانىڭ وسۋىنە ەرەكشە كوڭىل ءبولۋ قاجەتتىگىن ايتتى. 

وڭىرلەر بويىنشا ينفلياتسيا ەلەۋلى سايكەسسىزدىكتەردى كورسەتۋدە. ماسەلەن، ماڭعىستاۋ وبلىسىندا ول رەسپۋبليكالىق دەڭگەيدەن 1،3 پروتسەنتتىك تارماققا، قاراعاندى وبلىسىندا جانە نۇر-سۇلتان قالاسىندا 0،4 پروتسەنتتىك تارماققا اسىپ ءتۇستى. جالپى رەسپۋبليكا بويىنشا 11،4% دەڭگەيىندە بولعاندا 12%-تەن جوعارى ازىق-ت ۇلىك ينفلياتسياسى قاراعاندى وبلىسىندا، اتىراۋ وبلىسىندا، پاۆلودار وبلىسىندا تىركەلدى. 

ازىق-ت ۇلىككە جاتپايتىن ينفلياتسيا بويىنشا ەلدە 5،3% بولعاندا ماڭعىستاۋ وبلىسى 6،9%-پەن الدىڭعى قاتارعا شىقتى.  جالپى رەسپۋبليكا بويىنشا ينفلياتسيا 4،1% بولعان كەزدە 5%-تەن جوعارى اقىلى قىزمەتتەر ينفلياتسياسى ماڭعىستاۋ وبلىسىندا، نۇر-سۇلتان قالاسىندا، اقتوبە وبلىسىندا تىركەلدى.

«بيىلعى اقپان-ناۋرىزدا مۇناي ءوندىرۋدى قىسقارتۋ تۋرالى وپەك+ شەشىمىنىڭ ەسەبىنەن بيىلعى قاڭتاردا مۇناي باعاسىنىڭ ءوسۋى ورىن الدى. باعا ءوسۋىنىڭ وڭ سەرپىنى اقپاندا دا جالعاسىپ، مۇناي باعاسى ءبىر باررەل ءۇشىن $63،3 جەتتى»، دەدى ە. دوساەۆ.

رەسپۋبليكالىق بيۋدجەتكە ترانسفەرتتەر ءبولۋ، كۆازيمەملەكەتتىك سەكتور كومپانيالارىنىڭ ەكسپورتتىق ۆاليۋتا ءتۇسىمىنىڭ ءبىر بولىگىن ساتۋى شەڭبەرىندە ۇلتتىق قور اكتيۆتەرىن كونۆەرتاتسيالاۋ تەڭگە باعامىنا وڭ اسەرىن تيگىزدى. بيرجاداعى ساۋدا-ساتتىق قورىتىندىسى بويىنشا بيىلعى 15 اقپاندا تەڭگە باعامى ءبىر اقش دوللارى ءۇشىن 416،92 تەڭگە بولىپ، اي باسىنان باستاپ 1،7%-كە نىعايدى.

الدىن الا دەرەكتەر بويىنشا تولەم بالانسىنىڭ اعىمداعى شوتى قر ۇلتتىق بانكى بولجامىنا سايكەس كەلىپ، 2020 جىلى -$5،9 ملرد تاپشىلىعىمەن قالىپتاستى، بۇل شەتەلدىك ينۆەستورلارعا تولەنەتىن كىرىستىڭ قىسقارۋىنا بايلانىستى 2019 جىلعى تاپشىلىقتان $1،3 ملرد از. ۇلتتىق بانك باسشىسىنىڭ ايتۋىنشا، اعىمداعى شوت تاپشىلىعىنىڭ نەگىزگى سەبەبى مۇناي جانە گاز كوندەنساتى ەكسپورتىنىڭ قىسقارۋى ەسەبىنەن تاۋارلار ەكسپورتىنىڭ تومەندەۋى بولىپ تابىلادى. تاۋارلار يمپورتىنىڭ تومەندەۋى بىرقالىپتى جانە ينۆەستيتسيالىق جانە ارالىق تاۋارلاردى اكەلۋدىڭ قىسقارۋىنا بايلانىستى بولدى.

ۇلتتىق قوردىڭ اكتيۆتەرى وسى جىلدىڭ باسىنان باستاپ $1 ملرد-قا مىنا سەبەپتەر بويىنشا تومەندەپ، بيىلعى قاڭتاردىڭ سوڭىندا $57،7 ملرد قۇرادى: 

ۇلتتىق قورعا تۇسىمدەر 43 ملرد تەڭگە، ونىڭ ىشىندە ۆاليۋتالىق تۇسىمدەر $56،2 ملن نەمەسە تەڭگە بالاماسىندا 24 ملرد بولدى;

جىل باسىنان باستاپ 381 ملرد تەڭگەگە نىسانالى جانە كەپىلدەندىرىلگەن ترانسفەرتتەر ءبولۋدى قامتاماسىز ەتۋ ءۇشىن $720 ملن ساتىلدى;

ينۆەستورلاردىڭ تاۋەكەلگە بارۋ دەڭگەيىنىڭ تومەندەۋىنە بايلانىستى بيىلعى قاڭتاردا MSCI World اكتسيالار يندەكسىنىڭ تومەندەۋى -1% بولدى.

ۇلتتىق قوردىڭ سول كەزەڭدەگى ينۆەستيتسيالىق كىرىسى (-)$340 ملن نەمەسە -0،59% بولدى.

قاڭتاردا قور نارىقتارىنداعى قۇبىلمالىلىق ەكونوميكانىڭ بىركەلكى قالپىنا كەلمەۋىنە، سونداي-اق كاسىبي ەمەس ينۆەستورلاردىڭ ساۋدا پلاتفورمالارىنداعى بەلسەندىلىگى اياسىندا شىعىنى كوپ كومپانيالار اكتسيالارىنىڭ شارىقتاۋىنا بايلانىستى كۇشەيە ءتۇستى.

«بۇل رەتتە اقپاننىڭ باسىندا اكتسيالار نارىعىنىڭ قالپىنا كەلۋى بايقالدى، بيىلعى اقپاننىڭ العاشقى 2 اپتاسىندا ۇلتتىق قوردىڭ ينۆەستيتسيالىق كىرىسى بيىلعى قاڭتارداعى قۇلدىراۋدى وتەپ، $800 ملن قۇرادى»، دەدى ە. دوساەۆ.

التىنۆاليۋتا رەزەرۆتەرى وزگەرمەي، بيىلعى قاڭتاردىڭ سوڭىندا الدىن الا دەرەكتەر بويىنشا $35،6 ملرد بولدى. التىن باعاسىنىڭ تومەندەۋى ناتيجەسىندە التىن پورتفەلىنىڭ تومەندەۋى ەركىن كونۆەرتاتسيالاناتىن ۆاليۋتاداعى اكتيۆتەردىڭ وسۋىمەن تەڭەستىرىلدى.

شەتەل ۆاليۋتاسىنداعى اكتيۆتەر مەملەكەتتىك قارىزدى تولەۋمەن، سونداي-اق ەكىنشى دەڭگەيدەگى ءبىر بانكتىڭ $500 ملن-عا ۆاليۋتالىق وبليگاتسيالارىن وتەۋ مىندەتتەمەلەرىن ورىنداۋىنا بايلانىستى بولعان قازاقستان ۇلتتىق بانكىندەگى شوتتاردان ەكىنشى دەڭگەيدەگى بانكتەر قاراجاتىنىڭ اكەتىلۋىمەن ءىشىنارا رەتتەلگەن ازيا دامۋ بانكى قارىزىنان قاراجاتتىڭ كەلۋى ەسەبىنەن ءوستى.

جالپى حالىقارالىق رەزەرۆتەر جىل باسىنان باستاپ $1 ملرد-قا تومەندەپ، $93،3 ملرد قۇرادى. زەينەتاقى اكتيۆتەرى 2021 جىلعى 1 اقپانداعى جاعداي بويىنشا جىل باسىنان باستاپ 213،9 ملرد تەڭگەگە نەمەسە 1،7%-كە ۇلعايىپ، 13،1 ترلن تەڭگە بولدى. بيىلعى جىلدىڭ باسىنان باستاپ ەسەپتەلگەن ينۆەستيتسيالىق كىرىس مولشەرى 178،5 ملرد تەڭگە، زەينەتاقى جارنالارىنىڭ كولەمى 88،8 ملرد تەڭگە بولدى. 2021 جىلعى قاڭتاردا ينفلياتسيا 0،6% بولعان كەزدە 1،4% مولشەرىندەگى كىرىستىلىك قامتاماسىز ەتىلدى.

سوڭعى 12 ايدا زەينەتاقى اكتيۆتەرىنىڭ كىرىستىلىگى ينفلياتسيا دەڭگەيى 7،4% بولعان كەزدە 12،1% بولدى. ناقتى كىرىستىلىك ينۆەستيتسيالىق قىزمەت، سونداي-اق ۆاليۋتا پورتفەلىن نارىقتىق جانە باعامدىق قايتا باعالاۋ ناتيجەسىندە قامتاماسىز ەتىلدى، ونىڭ ۇلەسى ەلدەر مەن ەميتەنتتەر بويىنشا ينۆەستيتسيالار گەوگرافياسىن كەڭەيتۋ، پورتفەلدىڭ ساپاسى مەن وتىمدىلىگىن ارتتىرۋ ءۇشىن كەزەڭ-كەزەڭىمەن ۇلعايتىلىپ، 30% دەڭگەيىندە ساقتالۋدا.

قاراجاتتى مەرزىمىنەن بۇرىن الۋ بويىنشا سالىمشىلار الدىنداعى مىندەتتەمەلەردى ۋاقىتىلى ورىنداۋ ماقساتىندا ۇلتتىق بانك زەينەتاقى اكتيۆتەرى پورتفەلىنىڭ اعىمداعى وتىمدىلىگىن قولداۋدا، ونىڭ دەڭگەيى بيىلعى 1 اقپاندا 446،8 ملرد تەڭگە بولدى. بيىلعى قاڭتاردا اقپاراتتىق جۇيەلەردى ينتەگراتسيالاۋعا بايلانىستى دايىندىق جۇمىسى اياقتالعان سوڭ بىرىڭعاي جيناقتاۋشى زەينەتاقى قورى ازاماتتاردىڭ زەينەتاقى جيناقتارىنىڭ ءبىر بولىگىن الۋعا ارنالعان وتىنىمدەرىن قابىلداي باستادى. بيىلعى 12 اقپانداعى جاعداي بويىنشا 1 855،9 ملرد تەڭگە سوماسىنا 115 608 ءوتىنىم قابىلداندى. ونىڭ ىشىندە 423،6 ملرد تەڭگە سوماسىنا 78 074 ءوتىنىم وڭدەۋگە قابىلدانىپ، ماقۇلداندى.

بيىلعى 12 اقپاندا بجزق 408،2 ملرد تەڭگە سوماسىنا 75 186 ءوتىنىم بويىنشا بىرجولعى زەينەتاقى تولەمدەرىن اۋداردى. ازاماتتار الىنعان جيناقتاردىڭ 87%-ءىن تۇرعىن ءۇي ماسەلەلەرىن شەشۋگە، ونىڭ 45،5%-ءىن تۇرعىن ءۇي ساتىپ الۋعا; 28،3%-ءىن يپوتەكالىق قارىز بويىنشا بەرەشەكتى وتەۋگە; 10،5%-ءىن ەكىنشى دەڭگەيدەگى بانكتەرگە باستاپقى جارنا ءۇشىن جانە وتباسى بانكىندە يپوتەكا الۋعا; 2،3%-ءىن جەكە تۇرعىن ءۇي قۇرىلىسىن سالۋعا، يپوتەكانى قايتا قارجىلاندىرۋعا، ساتىپ الۋ قۇقىعىمەن جالداۋ شارتى بويىنشا بەرەشەكتى وتەۋگە جانە وزگە دە ماقساتتارعا جۇمساۋعا نيەتتەنەدى.

سونداي-اق قر ۇلتتىق بانكى توراعاسىنىڭ ايتۋىنشا، ەكونوميكانى قولداۋ ءۇشىن مەملەكەت باسشىسىنىڭ داعدارىسقا قارسى باستامالارىن ىسكە اسىرۋ جالعاسۋدا.

«قاراپايىم زاتتار ەكونوميكاسى» باعدارلاماسى بويىنشا بيىلعى 12 اقپانداعى جاعداي بويىنشا كاسىپكەرلەردەن 1،1 ترلن تەڭگەگە جۋىق سوماعا 1 410 ءوتىنىم كەلىپ ءتۇستى، ونىڭ ىشىندە بانكتەر 731،5 ملرد تەڭگەگە 889 ءوتىنىمدى ماقۇلدادى، 552 ملرد تەڭگە سوماسىنا 810 قارىز بەرىلدى. 

كاسىپكەرلىك سۋبەكتىلەرىن جەڭىلدىكپەن كرەديتتەۋ باعدارلاماسى بويىنشا بيىلعى 12 اقپاندا كاسىپكەرلەر 672،3 ملرد تەڭگەگە 2 632 ءوتىنىم بەردى، ونىڭ ىشىندە 526،2 ملرد تەڭگەگە 1 844 ءوتىنىم ماقۇلداندى، 596،3 ملرد تەڭگەگە 5 879 قارىز بەرىلدى، ونىڭ ىشىندە 138،5 ملرد تەڭگەگە 2 479 قارىز بۇرىن بەرىلگەن قارىزداردى وتەۋدەن تۇسكەن اقشا ەسەبىنەن بەرىلدى.

سوڭعى جاڭالىقتار

ۇقساس جاڭالىقتار