قازاقستان • 16 اقپان، 2021

نقا جوبالارىنا ساراپشىلاردى كونكۋرستىق ىرىكتەۋ باستالدى

6 رەت كورسەتىلدى

نقا جوبالارىنا سىبايلاس جەمقورلىققا قارسى عىلىمي ساراپتاما جۇرگىزۋ بويىنشا ساراپشىلاردى كونكۋرستىق ىرىكتەۋ باستالدى، دەپ حابارلايدى Egemen.kz.

ەىدۇ ۇسىنىمدارىن ىسكە اسىرۋعا مەملەكەت باسشىسىنىڭ باستاماسى بويىنشا نقا جوبالارىنا سىبايلاس جەمقورلىققا قارسى ساراپتامانى قالپىنا كەلتىرۋ بويىنشا كەشەندى جۇمىس جۇرگىزىلدى.

اتالعان جۇمىستىڭ نەگىزگى ماقساتى نورماتيۆتىك-قۇقىقتىق اكتىلەردى قولدانۋ كەزىندە شەنەۋنىكتىڭ تاڭداۋ ەركىندىگىن شەكتەۋ، سونداي-اق، نقا جوبالارىنداعى سىبايلاس جەمقورلىققا ۇشىراعان نورمالاردى انىقتاۋ جانە ولاردى جويۋعا باعىتتالعان ۇسىنىمداردى ازىرلەۋ بولىپ تابىلادى.

سىبايلاس جەمقورلىققا قارسى ساراپتامانىڭ تيىمدىلىگىنىڭ نەگىزى 125 ساراپشىدان تۇراتىن ساراپشىلار ءتىزىلىمىنىڭ ساپالىق قۇرامى بولىپ تابىلادى.

ازاماتتاردىڭ باسىم كوپشىلىگىنىڭ وسى جۇمىسقا بەلسەندى قاتىسۋ مۇمكىندىگىن قامتاماسىز ەتۋ ماقساتىندا ءتىزىلىم تۇراقتى نەگىزدە جاڭارتىلاتىن بولادى.

وسىعان وراي ساراپشىلىق قوعامداستىق وكىلدەرىن كەڭىنەن تارتۋ جانە ساراپشىلاردى ىرىكتەۋدىڭ بارلىق كەزەڭدەرىنىڭ اشىقتىعىن قامتاماسىز ەتۋ ستراتەگيالىق تۇرعىدان ماڭىزدىلىققا يە بولۋدا.

وسىعان بايلانىستى، اعىمداعى جىلى 15 اقپاندا نقا جوبالارىنا سىبايلاس جەمقورلىققا قارسى عىلىمي ساراپتاما جۇرگىزۋ ءۇشىن، ساراپشىلاردى ءتورت كەزەڭنەن تۇراتىن كونكۋرستىق ىرىكتەۋدىڭ باستالعانى تۋرالى جاريالاندى:

1) كونكۋرسقا قاتىسۋعا نيەت بىلدىرگەن تۇلعالاردان قۇجاتتاردى قابىلداۋ – اعىمداعى جىلى 15-19 اقپان ارالىعى;

2) كونكۋرستىق ىرىكتەۋگە قاتىسۋشىلاردىڭ قۇجاتتارىن قاراۋ - اعىمداعى جىلى 22-23 اقپان ارالىعى;

3) ۇمىتكەرلەردى تەستىلەۋدەن وتكىزۋ - اعىمداعى جىلى 26 اقپانى;

4) ساراپشىلار تىزىلىمىنە ەنگىزۋ ءۇشىن كانديداتتارمەن سۇحباتتاسۋ – اعىمداعى جىلى 1، 2، 3 ناۋرىز.

وبەكتيۆتىلىك پەن بەيتاراپتىلىقتى قامتاماسىز ەتۋ ماقساتىندا ءاربىر كەزەڭ بويىنشا شەشىمدەر قابىلداۋدى اگەنتتىكتىڭ قىزمەتكەرلەرى، ۇيلەستىرۋشى جانە قوعامداستىق وكىلدەرى قاتارىنان ارنايى قۇرىلعان كونكۋرستىق كوميسسيا جۇزەگە اسىراتىن بولادى.

سونداي-اق، سۇحباتتاسۋ ءراسىمى اگەنتتىك پەن ۇيلەستىرۋشىنىڭ الەۋمەتتىك پاراقشالارىندا ونلاين-فورماتتا كورسەتىلەدى.

كونكۋرستىق ىرىكتەۋگە قاتىسۋعا نيەت بىلدىرگەن ۇمىتكەرلەردىڭ قۇجاتتارىن قابىلداۋ پوشتا ارقىلى قولما-قول نەمەسە ەلەكتروندىق تۇردە ۋنيۆەرسيتەتتىڭ ەلەكتروندىق پوشتاسىنىڭ مەكەن-جايىنا ([email protected]، [email protected]) جولداۋ ارقىلى جۇزەگە اسىرىلادى.

وسىعان بايلانىستى اگەنتتىك سىبايلاس جەمقورلىققا قارسى ساراپتاما جۇرگىزۋگە قاتىسۋعا جانە سىبايلاس جەمقورلىقتى جويۋعا ءوزىنىڭ جەكە كاسىبي ۇلەسىن قوسۋعا بارلىق نيەت بىلدىرۋشىلەردى شاقىرادى.

كونكۋرستىق ىرىكتەۋدىڭ ەرەجەلەرىمەن ۇيلەستىرۋشىنىڭ سايتىندا (https://www.kaznu.kz/kz/23392/page/) تانىسۋعا بولادى.

بۇل ينستيتۋت وتكەن جىلدىڭ قاراشا ايىنان باستاپ جۇمىس ىستەي باستاعانىن ەستەرىڭىزگە سالا كەتەيىك. ساراپتاماعا بارلىعى 4 مىڭعا جۋىق نقا جوباسى كەلىپ ءتۇستى، ولارعا 9164 سىبايلاس جەمقورلىق فاكتورى بار 3116 قورىتىندى دايىندالدى.

ساراپتاما ناتيجەلەرىنىڭ قولجەتىمدىلىگىن قامتاماسىز ەتۋ ءۇشىن، ءاربىر نقا جوباسىنىڭ قۇنى كورسەتىلگەن قورىتىندىلار ورنالاستىرىلعان «ساراپتاما» (www.expertize.kz) سىبايلاس جەمقورلىققا قارسى ساراپتامانىڭ ارنايى پورتالى قۇرىلدى.

سىبايلاس جەمقورلىققا نەعۇرلىم بەيىم سالالاردىڭ قاتارىندا الەۋمەتتىك، قارجىلىق، مەديتسينالىق، اۋىل شارۋاشىلىعى جانە الەۋمەتتىك زاڭنامالارى ايقىندالعان.

سوڭعى جاڭالىقتار

ۇقساس جاڭالىقتار