قازىعۇرت اپب كەزەكشى بولىمىنە ۋچاسكەلىك ينسپەكتورلاردان بوس جايىلىمدا بولعان كوكپاردى توقتاتۋ كەزىندە بەلگىسىز بىرەۋلەردىڭ قارۋ قولدانعانى تۋرالى حابارلاما كەلىپ ءتۇستى.
اتالعان جايتتى قازىعۇرت پوليتسەيلەرى تىركەپ, جەدەل-ىزدەستىرۋ شارالارىنا كىرىستى. جەدەل جۇرگىزىلگەن ارنايى وپەراتسيا ناتيجەسىندە تۇركىستان وبلىسى پد كريمينالدىق پوليتسيا باسقارماسىنىڭ قىزمەتكەرلەرى تۇركىستان وبلىسى ۇقكد جانە قر ۇلتتىق ۇلانىنىڭ «بۇركىت» ارنايى جاساعىمەن بىرلەسىپ, قازىعۇرت كەنتى كوشەلەرىنىڭ بىرىندە «ۆاز» ماركالى اۆتوكولىكتى توقتاتىپ, 4 كۇدىكتىنى ۇستادى. ۇستالعان قازىعۇرت اۋدانىنىڭ 4 جاس تۇرعىنى پوليتسيا بولىمىنە جەتكىزىلدى.
كۇدىكتىلەردى ءتىنتۋ كەزىندە پوليتسەيلەر سومكەنى تاۋىپ الىپ, ودان زاتتاي دالەل رەتىندە 16 كاليبرلى شولاق مىلتىق پەن وق-دارىلەردى تاركىلەدى. جەدەل ۋاكىلدەر كۇدىكتىلەردىڭ ءۇيىن ودان ءارى ءتىنتۋ كەزىندە قوسىمشا 16 كاليبرلى اڭشىلىق مىلتىق پەن ەكى تراۆماتيكالىق تاپانشانى تاپتى.
قازىرگى ۋاقىتتا اتالعان جايت بويىنشا قر قك 293 جانە 287 باپتارى بويىنشا سوتقا دەيىنگى تەرگەۋ امالدارى جۇرگىزىلۋدە. جاستار قاماۋعا الىندى. پوليتسيا قىزمەتكەرلەرى كۇدىكتىلەردىڭ باسقا دا قىلمىستارعا قاتىسى بار-جوعىن تەكسەرىپ, قارۋدىڭ قايدان الىنعانىن انىقتاپ جاتىر.
