سقو توتەنشە جاعدايلار دەپارتامەنتى بريفينگتە كوكتەمگى سۋ تاسقىنىنا دايىندىق جايىندا ايتتى. مامانداردىڭ ايتۋىنشا, قاۋىپ بار. كۇزگى ىلعال قورى كەي جەرلەردى نورمادان 42% ارتىق, قاردىڭ قالىڭدىعى قالىپتى بولعانىمەن, توپىراق قازىردىڭ وزىندە 60-150 سم ارالىعىندا قاتقان.
«ناۋرىزدىڭ ەكىنشى جارتىسىندا قار ەري باستايدى. اقان-بۇرلىق, جەمباراق, يمان-بۇرلىق, بابىق-بۇرلىق» وزەندەرىنىڭ سۋ دەڭگەيى ارتپاق. كۇننىڭ كۇرت جىلۋىنان قار دا تەز ەرىپ, كولدەردە سۋ دەڭگەيى كوتەرىلەدى. قازىرگى ۋاقىتتا كوكتەمگى سۋ تاسقىنىنان زارداپ شەگۋى مۇمكىن 6 مىڭ تۇرعىنى بار 79 ەلدى مەكەن انىقتالدى. ولاردىڭ 30-ىنا سۋ وزەندەردەن, 13-ىنە كولدەردەن جانە قالعانى ەرىگەن قار سۋى كىرۋى مۇمكىن», دەيدى سقو تجد ءبولىم باسشىسى ساكەن اعزاموۆ.
كوكتەمگى سۋ تاسقىنىمەن كۇرەسكە قۇقىق قورعاۋ ورگاندارىنان 500-گە جۋىق ادام دايىن, 155 تەحنيكا, 8 ءجۇزۋ قۇرالى جانە 80-نەن استام موتوپومپا ازىرلەندى. ۋشىققان جاعدايدا جەرگىلىكتى اتقارۋشى ورگان قوسىمشا 1900 ادامدى, 1,5 مىڭعا جۋىق تەحنيكانى شىعارماق. بۇدان باسقا 190 توننا جانارماي, 32,4 مىڭ توننا ينەرتتى ماتەريال جانە 27,8 مىڭ قاپ دايىن تۇر.
«2021-2023 جىلداردى قامتىعان كوكتەمگى سۋ تاسقىنىنىڭ الدىن الۋ جانە ونىڭ سالدارىن جويۋعا ارنالعان جول كارتاسى بار. ونىڭ اياسىندا 23,6 ملرد تەڭگەگە 10 ءىس-شارا جۇزەگە اسۋى قاجەت. ياعني سۋ وتەتىن اۆتوجولدار, قورعانىش دامبالارى, كوپىرلەر, سۋ وتكىزۋ قۇبىرلارى جوندەلەدى», دەيدى ساكەن اعزاموۆ.
