ۇلتتىق قۇرامانىڭ قورجىنىندا 1 التىن, 4 كۇمىس, 6 قولا مەدال بار:
- سالتانات ابىلقاسىمقىزى – 100 مەتر قاشىقتىققا جۇگىرۋدەن التىن, 200 مەتر قاشىقتىققا جۇگىرۋدەن كۇمىس
- الەكسەي̆ لۋكۋتين – يادرو لاقتىرۋدان كۇمىس
- سەرگەي حارلاموۆ – ۇزىندىققا سەكىرۋدەن كۇمىس
- يسلام ساليموۆ – ۇزىندىققا سەكىرۋدەن كۇمىس
- رۋفات حابيبۋللين – 200 مەتر قاشىقتىققا جۇگىرۋدەن قولا
- اناستاسيا ياكوۆلەۆا – 100 مەتر قاشىقتىققا جۇگىرۋدەن قولا, 200 مەتر قاشىقتىققا جۇگىرۋدەن قولا
- راۆيل مانسۋرباەۆ – يادرو لاقتىرۋدان قولا
- ەلامان جولامان – ديسك لاقتىرۋدان قولا
- ماقشات مەيىرجان – 400 مەتر قاشىقتىققا جۇگىرۋدەن قولا جەڭىپ الدى.
پارا جەڭىل اتلەتيكا بويىنشا باس جاتتىقتىرۋشى تاحير ماماشاەۆ ۇلتتىق قۇرامانىڭ قورجىنىندا 1 التىن, 4 كۇمىس, 6 قولا مەدال بارىن قۋانىشپەن حابارلادى.
«كارانتينگە بايلانىستى جارىستار بولماعاندىقتان, ۋايىمدادىق, دەگەنمەن ناتيجە ءبىزدى قۋانتتى. سپورتشىلار ءبىر جىل بويى ۇيدە جانە ونلاين جاتتىعىپ, جاقسى ناتيجەگە قول جەتكىزدى!», دەدى ول.
دۋبايداعى دۇنيەجۇزىلىك گران-پري 2021 – پاندەميا باستالعاننان بەرى پارا جەڭىل اتلەتيكادان ءبىرىنشى الەمدىك جارىس. وعان 52 ەلدەن 471 سپورتشى قاتىستى. قازاقستاننىڭ اتىنان يادرو لاقتىرۋ, ۇزىندىققا سەكىرۋ, نايزا جانە ديسك لاقتىرۋ, جۇگىرۋ قاشىقتىقتارى تارتىپتەرى بويىنشا 22 سپورتشى قاتىستى. جارىس 9-14 اقپان ارالىعىندا ءوتتى.
