گۆينەيا ۇكىمەتى نزەرەكورە پرەفەكتۋراسى مەن گۋەكە ايماعىندا ەبولا ۆيرۋسىنىڭ (EVD) ەپيدەمياسى تۋرالى ءمالىم ەتتى.
14 اقپاندا ەلدىڭ دەنساۋلىق ساقتاۋ ءمينيسترىنىڭ توراعالىعىمەن وتكەن داعدارىستىق كەڭەستە ەپيدەمياعا قارسى ءىس-قيمىلدىڭ بىرقاتار شاراسىن جۇزەگە اسىرۋ, سونىڭ ىشىندە ەبولامەن بايلانىستا بولۋى مۇمكىن كەز كەلگەن ادامدى انىقتاۋ جانە وقشاۋلاۋ تۋرالى شەشىم قابىلداندى.
گۆينەيا ۇكىمەتى ۇسىنعان مالىمەتتەرگە سايكەس, العاشقى EVD جاعدايى گۋەكە قالاسىندا 28 قاڭتاردا قايتىس بولعان مەدبيكەمەن بىرگە تىركەلگەن.
بۇگىنگى تاڭدا ەبولامەن اۋىرۋى مۇمكىن جەتى ادام انىقتالىپ وتىر. ولاردىڭ بارلىعى مەدبيكەنى جەرلەۋگە قاتىسقان. اۋرۋ جۇقتىرعانداردىڭ ءبىرى ەل استاناسى كوناكريدە تۇراتىن بولىپ شىقتى.
ايتولقىن مىرزاكاريم
