ماڭعىستاۋ وبلىستىق كولىك پروكۋراتۋراسى زاڭسىزدىققا جول بەرگەن «كاسپي» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامىنا ايىپپۇل سالدى. بۇل تۋرالى «حابار» تەلەارناسى حابارلادى.
اتالعان اكتسيونەرلىك قوعام وسىدان ەكى جىل بۇرىن جاڭادان قۇرىلاتىن وڭىرلىك اۋە كومپانياسىنا اقش-تان 2 جولاۋشىلار ۇشاعىن اكەلگەن. بۇل اۋە كولىكتەرى ينۆەستيتسيالىق جوبا شەڭبەرىندە الىنعاندىقتان, ونى جەتكىزۋشى مەكەمە 200 ملن. تەڭگە كەدەندىك باج سالىعىن تولەۋدەن بوساتىلعان. وسى ارالىقتا اۋە كومپانياسىن قۇرۋ ماسەلەسى ىسكە اسپاۋى سەبەپتى كەلەڭسىزدىكتىڭ ورىن الۋىنا جول بەرىلدى. اكتسيونەرلىك قوعام وكىلدەرى 1 جىلدان كەيىن الگى ۇشاقتاردى 1 ملرد. تەڭگەگە وزگەگە ساتىپ جىبەرگەن. «كەدەندىك باقىلاۋ دەپارتامەنتىنىڭ اكتسيونەرلىك قوعامعا قاتىستى تالاپ ارىزى قاناعاتتاندىرىلىپ, «كاسپي الەۋمەتتىك- كاسىپكەرلىك كورپوراتسياسى» ۇلتتىق كومپانياسى اق بيۋدجەتكە 200 ملن.تەڭگە ايىپپۇل تولەدى. ەندى وسى مەكەمەدەن سوت پروتسەسى كەزىندە دالەل كەلتىرىلگەن 14 ملن. تەڭگەگە جۋىق وسىماقىنى ءوندىرۋ ماسەلەسى قاراستىرىلۋدا»,-دەيدى ماڭعىستاۋ وبلىسىنىڭ كولىك پروكۋرورى عالىم بايقونىسوۆ.
باقىتبەك كەنەش ۇلى.
دەرەككوز: «حابار» تەلەارناسى
فوتو: «حابار» تەلەارناسى.
