الداعى ۋاقىتتا ءبىزدىڭ ەلدىڭ اۋماعىندا ماشينا جاساۋ سالاسى بويىنشا بىرلەسكەن كاسىپورىن قۇرىلماق. سونداي-اق وزبەكستاندا فارماتسەۆتيكالىق ونىمدەر ءوندىرىسىن اشۋ دا جوسپاردا بار. جۇزەگە اسىرۋدى جوسپارلاپ وتىرعان تاعى ءبىر ماڭىزدى جوبا – گيگيەنالىق زاتتار مەن مەديتسينالىق پرەپاراتتاردى دايىنداۋمەن اينالىساتىن زاۋىت قۇرىلىسى.
قازاقستان مەن وزبەكستان ەكى ەلدىڭ تۋريستىك الەۋەتىن ارتتىرۋعا مۇمكىندىك بەرەتىن جوعارى جىلدامدىقتى تۇركىستان – شىمكەنت – تاشكەنت تەمىرجول جولاۋشىلار قاتىناسىن جۇزەگە اسىرۋ بويىنشا جۇمىستار جۇرگىزۋدە. بۇدان باسقا, وزبەكستان اۋماعىنا شىعاتىن ماقتاارال – داربازا جاڭا جەلىسىن سالۋ جوسپارلانىپ وتىر. بۇل جوبا سارىاعاش وتكەلى پۋنكتىنىڭ جۇكتەمەسىن ەداۋىر ازايتادى. سونىمەن قاتار تۇركىستاننان تاشكەنتكە دەيىن سوزىلاتىن جاڭا جوعارى جىلدامدىقتى ماگيسترالدى ىسكە قوسۋ دا جوسپاردا بار.
كەزدەسۋ ساتىندە اۋە قاتىناسى دا نازاردان تىس قالمادى. قازىر پاندەمياعا قاراماستان ەلدەر اراسىنداعى رەيستەر تۇراقتى ورىندالىپ جاتىر. كەلەشەكتە ونىڭ سانىن ۇلعايتۋ, سونداي-اق وزبەكستاننىڭ ۇرگەنىش, سامارقان, نۇكىس قالالارىنان قازاقستاننىڭ تۇركىستان, اقتاۋ جانە تاراز قالالارىنا جاڭا باعىتتار اشۋ جايى ايتىلدى.
