ءىس-شاراعا پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ, ورتالىق مەملەكەتتىك ورگانداردىڭ باسشىلارى, مەنتورلار جانە ونەركاسىپ, اوك, قۇرىلىس, گەولوگيا, دەنساۋلىق ساقتاۋ, ءبىلىم بەرۋ, مەديا, ساۋدا جانە لوگيستيكا, سۋ رەسۋرستارى, تۋريزم, مادەنيەت جانە سپورت كوماندالارىنىڭ وكىلدەرى قاتىستى.
وزگەرىستەردى باسقارۋ جونىندەگى سالالىق مەنەدجەرلەردى دايارلاۋ باعدارلاماسى نۇرسۇلتان نازارباەۆ قورىنىڭ باستاماسىمەن, ۇكىمەتتىڭ جوبالىق وفيسىمەن بىرلەسىپ جۇزەگە اسىرىلدى. باعدارلامانىڭ ماقساتى – ەكونوميكانىڭ نەگىزگى سالالارىن ترانسفورماتسيالاۋ ءۇشىن ناقتى ۇسىنىستار ازىرلەۋ.
2020 جىلدىڭ باسىندا وتكىزىلگەن كونكۋرس قورىتىندىسى بويىنشا 2 958 ۇمىتكەردەن, اسىرەسە, جەتەكشى ۇلتتىق جانە شەتەلدىك ۇيىمداردا ۇلكەن پراكتيكالىق جۇمىس تاجىريبەسى بار 234 ساراپشى ىرىكتەلىپ الىندى. باعدارلاماعا مەنتورلار رەتىندە قازاقستاننىڭ, اقش-تىڭ جانە ەۋروپا ەلدەرىنىڭ مەملەكەتتىك جانە جەكە سەكتورلارىنان 64 مامان قاتىستى.
2020 جىلى پرەمەر-مينيستر ا.مامين باعدارلاماعا قاتىسۋشىلارمەن 50-گە جۋىق جۇزبە-ءجۇز كەزدەسۋ وتكىزدى. وزگەرىستەردى باسقارۋ جونىندەگى مەنەدجەرلەر سالالىق مىندەتتەردى شەشە وتىرىپ, ەلىمىزدىڭ دامۋىنا ۇلەس قوسىپ قانا قويماي, ەلباسى اكادەمياسى ۇيىمداستىرعان ترەنينگتىك ءىس-شارالار بارىسىندا ءوز بىلىكتىلىكتەرىن جاقسارتتى.
ۇكىمەت باسشىسى وزگەرىستەردى باسقارۋ جونىندەگى سالالىق مەنەدجەرلەردى دايارلاۋ باعدارلاماسى تۇڭعىش پرەزيدەنت – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ تاراپىنان جاستاردىڭ جوبالارى مەن باستامالارىن قولداۋدىڭ, سونداي-اق ۇكىمەتتىڭ جاس ماماندارمەن ءتيىمدى ءوزارا ءىس-قيمىلىنىڭ جارقىن مىسالى بولىپ وتىرعانىن اتاپ ءوتتى.
سالالىق مەنەدجەرلەردىڭ, مەنتورلاردىڭ جانە مەملەكەتتىك ورگاندار وكىلدەرىنىڭ ۇيلەسىمدى جۇمىسىنىڭ ناتيجەسىندە ەلدى دامىتۋعا باعىتتالعان 150-دەن استام ناقتى باستاما ازىرلەنگەن.
«سالالىق مەنەدجەرلەردىڭ ءاربىر ۇسىنىسىن ءتيىستى مەملەكەتتىك ورگاندار ەگجەي-تەگجەيلى قارادى. ءار سالا بويىنشا جول كارتالارى ازىرلەندى. ەندى ءبىزدىڭ باستى مىندەتىمىز – ولاردىڭ ءىس جۇزىندە جۇزەگە اسىرىلۋىن قامتاماسىز ەتۋ. مىندەتتەردىڭ باسىم بولىگى وسى جىلدىڭ سوڭىنا دەيىن ورىندالۋى ءتيىس», دەدى ا.مامين.
پرەمەر-مينيستر سالالىق مەنەدجەرلەردىڭ باستامالارىن ىسكە اسىرۋ قازاقستان رەسپۋبليكاسىنىڭ 2025 جىلعا دەيىنگى ۇلتتىق دامۋ جوسپارى شەڭبەرىندە ەكونوميكانىڭ تۇراقتى ءوسىمىن قامتاماسىز ەتۋ جانە حالىقتىڭ ءال-اۋقاتىن ارتتىرۋ بويىنشا مىندەتتەردى شەشۋگە ىقپال ەتەتىنىن اتاپ ءوتتى.
