اتالعان قۇجاتقا قايتا وڭدەلگەن سۇتكە قويىلاتىن تالاپتار ەنگىزىلدى, ول ءونىمنىڭ سىرتىنداعى قاپتاماسىنا جازىلاتىن ءسۇت ونىمدەرىنە بايلانىستى.
– وسىلايشا, ونى ءونىمدى سايكەستەندىرۋ جانە قاۋىپسىزدىك كورسەتكىشتەرىنە قاتىستى بەلگىسى جويىلدى, – دەدى ەەك ءباسپاسوز قىزمەتى.
كوميسسيا بۇگىنگى كۇنگە دەيىن قالپىنا كەلتىرىلگەن ءسۇتتى وندىرۋشىلەر ءوز ونىمدەرىن تاڭبالاعاندا, تۇتىنۋشىلارعا ۇنامايتىن اتاۋدى, ياعني «قالپىنا كەلتىرىلگەن ءسۇت» دەگەن جازۋدىڭ ورنىنا ء«سۇت سۋسىنى» دەگەن تاڭبانى قولدانۋعا ءماجبۇر بولعانىن اتاپ ءوتتى. اتالعان وزگەرىستەر قالپىنا كەلتىرىلگەن ءسۇتتى وندىرۋشىلەردى انىقتاپ, ونى ءونىم قاپتاماسىنا «قالپىنا كەلتىرىلگەن ءسۇت» دەپ جازىپ, اينالىمعا شىعارۋعا مۇمكىندىك بەرەدى.
ەەك كەڭەسىنىڭ شەشىمى كوميسسيانىڭ ۆەب-سايتىندا رەسمي جاريالانعان كۇننەن باستاپ 180 كۇنتىزبەلىك كۇن وتكەن سوڭ كۇشىنە ەنەدى.
ەاەو ء«سۇت جانە ءسۇت ونىمدەرىنىڭ قاۋىپسىزدىگى تۋرالى» تەحنيكالىق رەگلامەنتىنە سايكەس, «قالپىنا كەلتىرىلگەن ءسۇت» دەگەنىمىز قاپتالعان ءسۇت نەمەسە ءسۇت وڭدەۋ ونىمدەرىن وندىرۋگە ارنالعان شيكىزاتتان باسقا, قويۋلاندىرىلعان نەمەسە كەپتىرىلگەن ءسۇت ونىمدەرى مەن سۋدان جاسالعان سۋسىنداردان باسقا ءسۇت ونىمدەرى بولىپ تابىلادى.
«تەحنيكالىق رەگلامەنتكە ەنگىزىلگەن وزگەرىستەر قالپىنا كەلتىرىلگەن ءسۇتتى تۇتىنۋشى وراۋىشىنا ورالعان دايىن ءسۇت ءونىمى رەتىندە جىكتەيدى, ونى سايكەستەندىرۋ مەن قاۋىپسىزدىك كورسەتكىشتەرىنە, سونداي-اق ءتيىستى تاڭبالاۋعا قويىلاتىن تالاپتاردى بەلگىلەيدى. بۇل ادال وندىرۋشىلەرگە ونى قالپىنا كەلتىرىلگەن ءسۇت رەتىندە اينالىمعا جىبەرۋگە مۇمكىندىك بەرەدى» دەلىنگەن حابارلامادا.
2019 جىلدىڭ 11 قاڭتارىنان باستاپ ەۋرازيالىق ەكونوميكالىق وداق (ەاەو) ەلدەرىنەن ءسۇت مايىن الماستىراتىن ءسۇت ونىمدەرىن وندىرۋشىلەر قاپتامادا وسىمدىك مايلارىنىڭ بار ەكەندىگى تۋرالى اقپاراتتى ورنالاستىرۋى كەرەك. ەندى تۇتىنۋشىلار دۇكەن سورەلەرىندە ءسۇتتى ماي الماستىرعىش قوسىلعان نەمەسە قوسىلماعان ونىمدەردى انىق اجىراتىپ, ولار قانداي ءونىمدى ساتىپ الاتىندىعى تۋرالى اقپارات الادى.
وسىمدىك مايلارى بار ءسۇت ونىمدەرىن وندىرۋشىلەرگە بەكىتىلگەن ء«سۇت جانە ءسۇت ونىمدەرىنىڭ قاۋىپسىزدىگى تۋرالى» ەاەو تەحنيكالىق رەگلامەنتتەرىنە وزگەرىستەر كۇشىنە ەنەتىن وتپەلى كەزەڭ اياقتالدى.
وزگەرىستەر ەۋرازيالىق ەكونوميكالىق كوميسسيا (ەەك) كەڭەسىنىڭ 2017 جىلعى 10 قاراشاداعى No 102 شەشىمىمەن قابىلداندى.
