تەحنولوگيا • 13 اقپان، 2021

شىعىس قازاقستاندا «Police 102» ءموبيلدى قوسىمشاسى ىسكە قوسىلدى

30 رەت كورسەتىلدى

ەندى شىعىس قازاقستان وبلىسىنىڭ تۇرعىندارى قۇقىق بۇزۋشىلىق تۋرالى وزدەرىنىڭ ارىزدارى مەن حابارلامالارىن قاسقاعىم ساتتە سمارتفون ارقىلى جولداي الادى، دەپ حابارلايدى Egemen.kz

وبلىس دەپارتامەنتىنىڭ بولىمشەلەرىندە ازاماتتاردىڭ وتىنىشتەرىن قابىلاۋعا ارنالعان 40 جۇمىس ورنى ازىرلەندى. اتالعان باعدارلامانى ورناتۋ وتە وڭاي. Android جۇيەسىندەگى سمارتفوندار ءۇشىن «Play Markەت»، ال IOS جۇيەسىندەگى سمارتفوندار ءۇشىن «App Store» قوسىمشاسى ارقىلى جۇكتەلەدى.

ەكراننىڭ جۇمىس پانەلىندە «102» بەلگىسى پايدا بولادى. پايدالانۋشى ءوز اتىمەن تىركەلىپ، ءوزىنىڭ جەكە باسىن قولجەتىمدى تاسىلدەر (ەلەكتروندىق پوشتا، تەلەفون ءنومىرى ) ارقىلى راستايدى.
وپەراتورمەن قوسىلۋ بارىسىندا اۆتوماتتى تۇردە گەولاكتسيا قوسىلادى جانە ءوتىنىش بەرۋشىنىڭ دەرەكتەرى شىعادى، بۇل ۋاقىتتى بارىنشا ۇنەمدەيدى.

«Police 102» ءموبيلدى قوسىمشاسى ارقىلى حابارلاما، وقيعا ورنىندا تۇسىرىلگەن فوتوسۋرەتتەر مەن بەينە تۇسىرىلىمدەردى جىبەرە الادى.

سونداي-اق بەينە، اۋديو قوڭىراۋ شالۋ مۇمكىندىگى بار. اتالعان قوسىمشانى پايدالانۋ حالىقتىڭ قاۋىپسىزدىگىن جانە سەنىمىن ارتتىرادى. شقو پوليتسيا قىزمەتكەرلەرى وتىنىشتەر مەن ارىزداردى ونلاين رەجيمدە قابىلداۋعا تولىقتاي دايىن.

باستاپقىدا قاناتقاقتى جوبا رەتىندە ىسكە قوسىلعان ۋاقىتتا 7 ءوتىنىش كەلىپ تۇسكەن. ونىڭ باسىم بولىگى جول ءجۇرۋ ەرەجەسىنىڭ ساقتالماۋىنا بايلانىستى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار