- اۋعان ارداگەرلەرىنە مەملەكەت تاراپىنان اي سايىن 17 مىڭ تەڭگە مولشەرىندە ارنايى جاردەماقى تولەنىپ وتىر. اۋعان سوعىسىنىڭ قاتىسۋشىلارى مەن مۇگەدەكتەرىنە قوسىمشا قولداۋ رەتىندە 2012 جىلدان باستاپ جىلىنا ءبىر رەت 30 اەك مولشەرىندە بىرجولعى الەۋمەتتىك كومەك كورسەتىلىپ كەلەدى. بۇعان قوسا, مۇگەدەك ارداگەرلەرگە شيپاجايعا جولداما قاراستىرىلادى, - دەدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى مەيرامبەك ابدىكارىموۆ.
وڭىردە 15 اقپان كۇنى اۋعان سوعىسىندا قازا تاپقان جاۋىنگەرلەردى ەسكە الۋ ماقساتىندا «تاعزىم الاڭى» اللەياسىندا ورنالاسقان ەسكەرتكىشكە گۇل شوقتارىن قويۋ ءراسىمى جانە ەسكە الۋ ميتينگىسى ۇيىمداستىرىلىپ, قۇران باعىشتالاتىن بولادى.
