وقيعا ورنىنا رەسپۋبليكالىق جەدەل-قۇتقارۋ جاساعىنىڭ, اپاتتار مەديتسيناسى ورتالىعىنىڭ, الماتى قالاسىنىڭ قۇتقارۋ قىزمەتىنىڭ 5 ىزدەستىرۋ-قۇتقارۋ جاساعى, ونىڭ ىشىندە 2 كينولوگيالىق ەسەپ, سونداي-اق «شىمبۇلاق» تشك قۇتقارۋشىلارى دەرەۋ جىبەرىلدى.
ىزدەستىرۋ-قۇتقارۋ جۇمىستارىن ۇيلەستىرۋ ءۇشىن وقيعا ورنىندا قر تجم اۋماقتىق بولىمشەلەردىڭ قۇتقارۋشىلارى, «109 قۇتقارۋ قىزمەتى», مەديتسينالىق قىزمەتتەر مەن الماتى قالاسى اكىمى اپپاراتىنىڭ قاتارىنان الماتى قالاسى تجد جەدەل شتابى قۇرىلدى. تج جانە دۇلەي ءزىلزالالاردىڭ قاۋپىن ازايتۋ جونىندەگى ورتالىقتىڭ ونەركاسىپتىك ۇشقىشسىز ۇشۋ اپپاراتى ىسكە قوسىلدى.
قازاۆياقۇتقارۋ كا-32 اۋە بورتى (تۇمان, ۋاقىتشا ۇشۋ مۇمكىندىگى جوق) ازىرلىكتە تۇر.
ءبىرىنشى كۇننەن باستاپ ىزدەستىرۋ جۇمىستارى قالىڭ تۇمان, قاتتى جەل, دىمقىل قار, نولدىك كورىنۋ جاعدايىندا جۇزەگە اسىرىلدى. قۇتقارۋ جۇمىستارى 3200 م استام بيىكتىكتە, كوشكىن قاۋپى جوعارى اۋماقتا جۇرگىزىلۋدە.
جەدەل-قۇتقارۋ توپتارى شىمبۇلاق شىڭىن, جاناسىپ جاتقان جوتانى, شىمبۇلاق وزەنى بويىنداعى شاتقالدى, سونداي-اق بوگدانوۆيچ مۇزدىعىنىڭ اۋدانىن جانە تالعار اسۋىن قاراپ شىقتى. وسىلايشا, جاقىن ماڭداعى ەلدى مەكەننىڭ بارلىق جاعىنان ىزدەستىرۋ جۇمىستارى جۇرگىزىلۋدە. اۋا رايىنىڭ قولايسىزدىعىنا جانە كوشكىن قاۋپىنە قاراماستان, قۇتقارۋ جۇمىستارى توقتاتىلمايدى.
ەر ادام ءوزىنىڭ ورنالاسقان جەرىن جىبەرە الماۋىنا بايلانىستى, الماتى قالاسى تجد قوسىمشا بيلاين جانە تەلە-2 ۇيالى وپەراتورلارىنا سوڭعى گەولوكاتسيانى انىقتاۋ بويىنشا سۇراۋلار جولدادى. ناتيجەلەرى بويىنشا سوڭعى ءىس-قيمىلدىڭ كۇنى مەن ۋاقىتى 2021 جىلعى 11 اقپان ساعات 18:29-دا Beeline ۇيالى بايلانىس وپەراتورى ارقىلى «شىمبۇلاق» بازاسى تىركەلدى.
قازىرگى ۋاقىتتا ىزدەستىرۋ-قۇتقارۋ جۇمىستارىنا جەكە قۇرامنىڭ 60-تان استام ادامى, تجم, رجقج, امو, قق اۋماقتىق بولىمشەلەرىنىڭ 11 تەحنيكاسى جۇمىلدىرىلدى. جاقىندارىنىڭ ايتۋى بويىنشا جوعالعان ازامات كوك كۇرتە, سۇر باس كيىم مەن باتەڭكەدە بولعان.
