«ەۋرازيالىق ەكونوميكالىق كوميسسيانىڭ ستاتيستيكا دەپارتامەنتى ەۋرازيالىق ەكونوميكالىق وداقتا 2020 جىلى اۋىل شارۋاشىلىعى ونىمدەرىن ءوندىرۋ تۋرالى جەدەل اقپارات ۇسىندى. اقپاراتتا ايتىلعانداي, 2020 جىلعى قاڭتار-جەلتوقسان ايلارىندا بارلىق ساناتتاعى شارۋاشىلىقتاردا وندىرىلگەن اۋىل شارۋاشىلىعى ونىمدەرى 114,4 ملرد اقش دوللارىن قۇرادى جانە 2019 جىلعى قاڭتار-جەلتوقسان ايلارىمەن سالىستىرعاندا 2,3%-عا ارتتى», دەلىنگەن حابارلامادا.
ەڭ ۇلكەن ءوسىم قازاقستان (5,6%-عا) مەن بەلارۋسيادا (4,9%-عا) بايقالدى. اۋىل شارۋاشىلىعى ونىمدەرىن ءوندىرۋ جالپى ءبىر جىل ىشىندە قازاقستاندا 15,2 ملرد اقش دوللارىن قۇراسا, بەلارۋسيادا 9,3 ملرد اقش دوللارىنا جەتتى.
ال, رەسەيدە 84,9 ملرد اقش دوللارى بولسا, ارمەنيادا 1,7 ملرد اقش دوللارىنا تەڭەسىپ ءوندىرىس كولەمى ەكى ەلدە دە 1,5%-عا ارتتى. قىرعىزستاندا ءوندىرىس 1,1%-عا ۇلعايىپ, 3,2 ملرد اقش دوللارىن قۇرادى.
