ينۆاتاكسي قىزمەتىنە قولارباعا تاڭىلعان مۇمكىندىگى شەكتەۋلى ازاماتتار جۇگىنە الادى. بەكىتىلگەن 18 اۆتوكولىك ارنايى جىلجىمالى قۇرىلعىمەن جانە كرەسلو-اربالاردى ورناتۋعا ارنالعان قۇرالدارمەن جابدىقتالعان. ارنايى كولىكتەرمەن ازاماتتار جۇمىس ورنىنا, وقۋ ورنىنا, قۇقىق قورعاۋ ورگاندارىنا, الەۋمەتتىك, مەديتسينالىق مەكەمەلەرگە قاتىناي الادى.
ونىمەن قوسا, بۇل كولىكتەرمەن مۇگەدەكتەر اۋەجايلارعا, تەمىر جول ۆوكزالدارى مەن اۆتوۆوكزالدارعا دا بارا الادى. بىلتىر 500-دەن استام مۇمكىندىگى شەكتەۋلى ازاماتتان جيىرما سەگىز مىڭعا جۋىق وتىنىمگە تاپسىرىس بەرىلىپ, قىزمەت كورسەتىلدى. قازىرگى تاڭدا 300 مۇمكىندىگى شەكتەۋلى ازاماتتان ءوتىنىش قابىلداندى.
ال الەۋمەتتىك تاكسي قىزمەتىنە ءجۇرىپ-تۇرۋى قيىن ءبىرىنشى, ەكىنشى توپ مۇگەدەكتەرى مەن 16 جاسقا دەيىنگى مۇمكىندىگى شەكتەۋلى بالالار پايدالانا الادى. بىلتىردان بەرى ولارعا 43 كولىك قىزمەت كورسەتۋدە. الدىڭعى جىلى 500-دەن استام مۇمكىندىگى شەكتەۋلى ازاماتتان 125 137 وتىنىمگە تاپسىرىس بەرىلگەن. بۇل جىلى 332 مۇمكىندىگى شەكتەۋلى ازامات باسقارماعا وسى قىزمەتتى الۋ ءۇشىن ءوتىنىش بەرگەن.
