بۇل تۋرالى اتىراۋ قالاسىنىڭ اكىمى قايرات ورازباەۆ ءمالىم ەتتى.
ونىڭ ايتۋىنشا, وبلىس ورتالىعىنداعى «بەرەكە» شاعىن اۋدانىندا 240 پاتەرلىك ءبىر تۇرعىن ءۇي سالىنادى. تاعى ءبىر جاڭا شاعىن اۋدان – «سامالدا» 432 پاتەرى بار 16 تۇرعىن ءۇيدىڭ قۇرىلىسى بوي كوتەرەدى.
«قالا ماڭىنداعى تالعايراڭ ەلدى مەكەنىندە كوپ قاباتتى 46 ءۇيدىڭ قۇرىلىسىن سالۋ ءۇشىن جوبالىق-سمەتالىق قۇجاتتاماسى دايىندالدى. مۇندا سالىنىپ جاتقان 1 080 پاتەرلىك كوپ قاباتتى 24 تۇرعىن ۇيگە ينجەنەرلىك-كوممۋنيكاتسيالىق ينفراقۇرىلىم جەلىسى تارتۋ جالعاسىپ جاتىر» دەيدى قايرات ورازباەۆ.
سونداي-اق, بىلتىر «نۇرلى جەر» تۇرعىن ءۇي كوممۋنالدىق شارۋاشىلىعىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسى اياسىندا كوپ قاباتتى 4 تۇرعىن ۇيگە كۇردەلى جوندەۋ جاسالدى. ەندى بيىل تاعى دا 15 تۇرعىن ءۇي تەرموجاڭعىرتۋدان وتكىزىلەدى.
