تاراپتار اڭگىمەلەسۋ بارىسىندا ساياسي جاڭعىرتۋ مەن سىبايلاس جەمقورلىقتى جويۋعا باعىتتالعان ەلدەگى جۇرگىزىلىپ جاتقان رەفورمالاردى تالقىلادى.
سىبايلاس جەمقورلىققا قارسى ۆەدومستۆوسىنىڭ باسشىسى ءبىرىنشى باسشىلاردىڭ الدىن الۋ جۇمىستارىنىڭ جەتكىلىكسىزدىگى, جاۋاپكەرشىلىكتى قاتاڭداتۋ جانە سىبايلاس جەمقورلىق قۇقىق بۇزۋشىلىقتارى ءۇشىن سوتتالعاندارعا شارتتى تۇردە مەرزىمىنەن بۇرىن بوساتۋدىڭ كۇشىن جويۋ تۋرالى جاۋاپكەرشىلىكتى اتاپ ايتۋمەن, سالالىق زاڭنامانىڭ نوۆەللالارى تۋرالى ەگجەي-تەگجەيلى ايتىپ بەردى.
ءوز تاراپىنان, كانەسس مىرزا اگەنتتىكتىڭ جۇرگىزىپ جاتقان جۇمىسى تۋرالى وڭ پىكىرىن ءبىلدىرىپ, قازاقستاننىڭ حالىقارالىق رەيتينگتەردەگى پوزيتسيالارىنىڭ جاقسارعانىن اتاپ ءوتتى.
فرانتسيانىڭ قازاقستاننىڭ توپ-5 ينۆەستورلارىنىڭ قاتارىنا كىرەتىنىن ەسكەرە وتىرىپ, «Protecting business and investments» جوباسى ديپلوماتتاردىڭ ەرەكشە قىزىعۋشىلىعىن تۋدىردى. تاراپتار وسى باعىتتاعى ءوزارا ءىس-قيمىلدى نىعايتۋعا جانە قازاقستانداعى فرانتسۋز بيزنەسىنىڭ وكىلدەرىمەن جاقىن ارادا كەزدەسۋ ۇيىمداستىرۋعا كەلىستى.
ەكى ەلدىڭ سىبايلاس جەمقورلىققا قارسى ىنتىماقتاستىعىنىڭ نەگىزى 2009 جىلى ۇكىمەتارالىق كەلىسىم دەڭگەيىندە قالاندى. بەلگىلەنگەن ۋاعدالاستىقتار شەڭبەرىندە جىل سايىن جىلىنا, كەمىندە, 2 رەت اگەنتتىك قىزمەتكەرلەرى تاجىريبە الماسۋعا جانە فرانتسۋز ارىپتەستەرىنەن وقۋدان وتۋگە مۇمكىندىك الادى.
مىسالعا, 25-29 قاڭتار ارالىعىندا ۇلتتىق باسقارۋ مەكتەبىنىڭ (ENA) قولداۋىمەن ورتالىق ازيا ءوڭىرى مەن اۋعانستاننىڭ سىبايلاس جەمقورلىققا قارسى ورگاندارىنىڭ قىزمەتكەرلەرى ءۇشىن ونلاين-سەمينار ۇيىمداستىرىلدى.
كەزدەسۋ سوڭىندا ەلشى وتكەن جىلى وقۋدان وتكەن ادامدارعا سەرتيفيكاتتار تابىس ەتتى. تاراپتار ءبىر-بىرىمەن, ونىڭ ىشىندە تاعىلىمدامالاردى ۇيىمداستىرۋ ارقىلى تاجىريبەمەن ءبولىسۋدى ودان ءارى جالعاستىرۋعا نيەتتى.
