وزدەرىڭىزگە ءمالىم, 2021 جىلعى 16 جەلتوقساندا قازاقستان تاۋەلسىزدىكتىڭ 30 جىلدىعىن اتاپ وتەدى. قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ العاشقى شەشىمدەرىنىڭ ءبىرى – سەمەي يادرولىق پوليگونىن جابۋ جانە الەمدەگى ءتورتىنشى يادرولىق ارسەنالدى جويۋ, بۇل ەگەمەن قازاقستان تاريحىندا جاڭا پاراقتى اشتى.
سوڭعى جىلداردا قازاقستان-امەريكاندىق ءوزارا ءىس-قيمىل ينۆەستيتسيالىق جانە ساۋدا-ەكونوميكالىق بايلانىستاردى, ساياسي سالاداعى جانە ايماقتىق جانە جاھاندىق قاۋىپسىزدىك بويىنشا تىعىز ىنتىماقتاستىقتى دامىتۋ ءۇشىن بەرىك نەگىز قۇردى.
قازاقستاننىڭ اقش-تاعى ەلشىسى ەرجان قازىحانوۆ العى سوزىندە ەكى ەل اراسىنداعى ىنتىماقتاستىقتىڭ جوعارى سەرپىنىن جانە ساياسي, ساۋدا-ەكونوميكالىق جانە گۋمانيتارلىق سالالارداعى ءوزارا ءىس-قيمىلدىڭ باسىم باعىتتارىن اتاپ ءوتتى.
ۆيرتۋالدى تالقىلاۋدىڭ سپيكەرلەرى رەتىندە قازاقستان مەن اقش-تىڭ بۇرىنعى ەلشىلەرى ءسوز سويلەپ, وتكەن جىلدارداعى ەكىجاقتى قاتىناستاردىڭ باستى جەتىستىكتەرى تۋرالى ايتتى.
1996-2000 جىلدارى بولعان قازاقستاننىڭ اقش-تاعى ەلشىسى بولات نۇرعاليەۆ جانە 2004-2008 جىلدار ارالىعىنداعى قازاقستانداعى امەريكاندىق ديپلوماتيالىق ميسسيانىڭ جەتەكشىسى دجون وردۆەي ەكى ەلدىڭ اراسىنداعى كەڭەيتىلگەن ستراتەگيالىق سەرىكتەستىكتىڭ ودان ءارى تەرەڭدەۋىن قۇپتادى.
ءوز سوزىندە اقش-تىڭ قورعانىس ءمينيسترىنىڭ بۇرىنعى ورىنباسارى ەندريۋ ۆەبەر يادرولىق قاۋىپسىزدىك ماسەلەلەرى بويىنشا قازاقستانمەن ىنتىماقتاستىق تۋرالى پىكىرىمەن ءبولىسىپ, قازاقستاننىڭ جاھاندىق قارۋدى تاراتپاۋ جانە قارۋسىزدانۋ سالاسىنداعى ماڭىزدى ءرولىن اتاپ ءوتتى.
بەلسەندى پىكىرتالاستىڭ سوڭىندا قاتىسۋشىلار مەن مودەراتور – اتلانتيكالىق كەڭەستىڭ ەۋرازيالىق ورتالىعىنىڭ ديرەكتورى دجون حەربست – قارىم-قاتىناستىڭ بارلىق سپەكترى بويىنشا ەكىجاقتى ىنتىماقتاستىقتىڭ جوعارى دەڭگەيدە ەكەندىگىندە توقتالىپ, دجو بايدەننىڭ جاڭا اكىمشىلىگىنىڭ ەكى ەل اراسىنداعى سەرىكتەستىكتى تەرەڭدەتۋ جولىنداعى ماڭىزدى قادامى رەتىندە اقش پرەزيدەنتىنىڭ قازاقستانعا تاريحتاعى ءبىرىنشى ساپارى بولۋى كەرەك ەكەندىگىن ايتتى.
