رۋحانيات • 12 اقپان، 2021

ماناربەك سازى اۋەلەپ

32 رەت كورسەتىلدى

الماتىدا قازاق مۋزىكا ونەرىنىڭ كورنەكتى وكىلى ماناربەك ەرجانوۆتىڭ تۋعانىنا 120 جىل تولۋىنا ارنالعان ءان مەن كۇي فەستيۆالى ءوتتى. شىعارمالارى ۇلت مۇراسىنا اينالعان تالانت يەسىنىڭ رۋحىن اسپانداتقان اسەم كەشتە رەسپۋبليكاعا بەلگىلى ساحنا ساڭلاقتارى ونەر كورسەتتى.

ەلدەگى ەپيدەميالىق جاعدايعا بايلانىستى ساناۋلى ادام عانا قاتىسقان مۋزىكا مەرەكەسىندە ماناربەك ەرجانوۆتىڭ حالىق جۇرەگىنەن ايرىقشا ورىن العان ىرگەلى شىعارمالارى ورىندالدى. ەسەسىنە اققۋ سازدى ايالاعان تىڭدارمان قاۋىم فەستيۆالدى الەۋمەتتىك جەلى ارقىلى تىكەلەي ەفيردە تاماشالادى. ايگىلى امىرە قاشاۋباەۆتان ءتالىم العان تالانت يەسى تىرشىلىگىندە 150-دەن استام ءان مەن كۇيدى دۇنيەگە اكەلگەن. ونىڭ «جەتىسۋ»، «استانادا»، «باتىر جورىعى»، «كۇسەنباي»، «ورنەك»، «شالقار كول»، «اققۋ كولى» سەكىلدى كۇيلەرى، حورعا ارناپ جازىلعان «پارتيزان جورىعى»، «28 گۆاردياشى-پانفيلوۆشىلار»، «جاستار تويى»، «جاستار ءانى»، «بەيبىتشىلىك مارشى» اتتى شىعارمالارى، سونداي-اق «پاروۆوز»، «امانگەلدى»، «باقىت جىرى»، «قۋانامىن»، «قويشىنىڭ ءانى»، ء«انشى بىر­جانعا»، «سايرا، بۇلبۇل»، «شەگە­نىڭ تەرمەسى» سىندى اندەرى تىڭدارمانعا ەتەنە تانىس.

– ماناربەك ەرجانوۆتى ونەر الەمىنە قاناتتاندىرىپ، كوكى­رەگىنە اسەم ساز ۇيالاتقان ۇستازى – ءانشى ءارى كۇيشى كۇسەنباي. ال انشىلىك شەبەرلىگىن ۇشتاۋدا شاشۋ­باي قوشقارباي ۇلى مەن امىرە قاشاۋباەۆتىڭ ورنى ەرەك. ول بوزبالا شاعىندا-اق ءبىرجان سال، اقان سەرى، ەستاي، شاشۋباي اندەرىن ايتىپ، ءتۇرلى ايتىستارعا قاتىسىپ، ەل اۋزىنا ىلىكتى. 1928 جىلى قازاق دراما تەاترىنا قابىلدانىپ، العاش­قى اكتەرلەرىنىڭ ءبىرى بولدى، وسى تەاتر­دا قويىلعان سپەكتاكلدەردە ويناپ، سان قىرلى بەينەلەر­دى سومدادى. اسىرەسە، «قىز جىبەك»، «ەر تارعىن»، «اباي»، ء«بىر­جان-سارا» وپەرالارىندا شەبەر­لى­گى­مەن ءدۇيىم جۇرتتى ءتانتى ەتتى. ماسكەۋ تورىندە ءان شىرقاپ، قازاق ونە­رىن تالايعا مويىنداتتى. ونەر­دەن جول ىزدەگەن جاستارى­مىز ونىڭ شىعارماشىلىق الەمى­نەن قۋات الىپ كەلەدى. بۇگىنگى فەس­تيۆالدىڭ ماقساتى – ماناربەك شىعارمالارىن وسكەلەڭ ۇرپاققا كەڭىنەن ناسيحاتتاۋ، – دەيدى مۋل­تي­مەديالىق ءداستۇرلى مۋزىكا ورتا­لىعىنىڭ جەتەكشىسى روزا قاجەنوۆا.

 

الماتى

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار