1992 جىلدىڭ جاز ايى ەدى. بىردە اۋلادا تۇرعان «دت-75» تراكتورىنىڭ جۇرگىزۋشىسى تراكتورىن وت الدىرۋ ماقساتىندا قولىنا موتوردى ىسكە قوسۋ ءجىبىن الىپ, ورالعان ءجىپتى تارتىپ قالعانىندا وت العان تراكتوردىڭ باسقارۋ قۇرالدارى ايىرىلماي قالعاندىقتان العا ءجۇرىپ كەتكەندىگى بار. جۇرگىزۋشىمەن اڭگىمەلەسىپ, الاڭسىز تۇرعان جاس جىگىت ماناربەك سول ساتتە عانا ەسىن جيىپ, ارتقا قاراي سەكىرىپ ۇلگەردى. بىراق تراكتوردىڭ الدىڭعى جاعىندا تۇرعان ماناربەكتىڭ ءبىر اياعىنىڭ توبىقتان العى باشپايلارىنىڭ ءۇستىن تراكتوردىڭ شىنجىرلى تابانى جانشىپ وتە شىقتى.
1992 جىلدىڭ جاز ايى ەدى. بىردە اۋلادا تۇرعان «دت-75» تراكتورىنىڭ جۇرگىزۋشىسى تراكتورىن وت الدىرۋ ماقساتىندا قولىنا موتوردى ىسكە قوسۋ ءجىبىن الىپ, ورالعان ءجىپتى تارتىپ قالعانىندا وت العان تراكتوردىڭ باسقارۋ قۇرالدارى ايىرىلماي قالعاندىقتان العا ءجۇرىپ كەتكەندىگى بار. جۇرگىزۋشىمەن اڭگىمەلەسىپ, الاڭسىز تۇرعان جاس جىگىت ماناربەك سول ساتتە عانا ەسىن جيىپ, ارتقا قاراي سەكىرىپ ۇلگەردى. بىراق تراكتوردىڭ الدىڭعى جاعىندا تۇرعان ماناربەكتىڭ ءبىر اياعىنىڭ توبىقتان العى باشپايلارىنىڭ ءۇستىن تراكتوردىڭ شىنجىرلى تابانى جانشىپ وتە شىقتى.
ءاپ-ساتتە بولعان وقيعا. كوك ءتۇتىندى بۋداقتاتىپ وت العان شىنجىر تاباندى تراكتور العا قاراي وڭمەڭدەي سەكىرىپ الدى دا كەنەتتەن ءوشىپ قالدى. ءجۇزى قۋداي بولىپ قۋارىپ كەتكەن تراكتوردىڭ جۇرگىزۋشىسىندە ەس جوق, سوپيىپ تۇرىپ قالعان. ماناربەك بولسا ءدىن امان, اياعىنىڭ باشپاي ءۇستىن تاپتاپ وتكەن تراكتوردىڭ شىنجىر ىزدەرى قىزارا سىزات تۇسىرگەن جولاقتارعا اڭ-تاڭ قاراپ تۇر. سۇيەكتەرى سىنباعان, امان. عاجاپ جاعداي. بۇل نە بولعانى؟ قانداي كۇش, نەبىر تىلسىم دۇنيە ءوزىن امان الىپ قالدى؟! بۇل تاعى جۇمباق نارسە. ايتەۋىر, پەرىشتەسى قاعىپ جىمپيتىلىق جاس جىگىت ماناربەك جۇماعاليەۆ بۇل وقيعادان امان قالدى.
وسى وقيعادان سوڭ ماناربەكتىڭ باسىنان ءۇيدىڭ توبەسىنەن ابايسىزدا قۇلاپ ءتۇسۋ, «كاماز» كولىگىنىڭ ەسىگىنەن قاتتى بۇرىلىستا ۇشىپ كەتۋ, موتوتسيكلدەن اۋدارىلۋ ساتتەرى بولسا دا دەنە سۇيەكتەرىنە, تەرىلەرىنە ەشقانداي زاقىمدار كەلمەۋ دەرەكتەرى بولعاندىعىن تاڭدانىسپەن ايتقان ءجون.
ماناربەك جۇماعاليەۆ جىمپيتى اۋىلىنىڭ تۋماسى. ونەرلى وتباسىندا تاربيەلەنگەن ماناربەكتىڭ اكەسى لۇقپان حالىقتىق تەاتردىڭ ورگە باسۋىنا ءبىر كىسىدەي ۇلەسىن قوسقان كانىگى رەجيسسەر, تەاتردىڭ تارلانى بولسا, قارىنداستارى دا مىڭ بۇرالعان بيشىلەر.
– مەنىڭ ناعاشى اتالارىم ءالي, رىسالى وتە ارۋاقتى ادامدار بولعان كورىنەدى. بالكىم, مەنىڭ بويىما الاپات كۇش - قۋاتتار وسى اتالارىمنان دارىعان بولۋى دا كەرەك. 1997 جىلى وتباسىمىزبەن كومىر ۋىنا ۋلانىپ, ورتالىقتاعى اۋرۋحانادا ءۇش كۇن بويى ەسسىز جاتتىم. سوندا ەسسىز جاتىپ, ءانابىر دۇنيەنىڭ دە تابالدىرىعىنا بارعان كەزىمدە نەبىر ەلەستەردىڭ بويدى بيلەگەنى بار, – دەيدى ماناربەك ءسوز اراسىندا اڭگىمەسىن ءوربىتىپ.
ماناربەكتىڭ بويىنداعى تىلسىم كۇشتىڭ قۋاتى العاش رەت 2000 جىلى قوسوبا اۋىلىنداعى كلۋبتىڭ ساحناسىندا حالىقتىڭ جۇرەگىن ءدىر ەتكىزەرلىك كەيبىر كورىنىستەردى كورسەتۋدەن باستالدى.
بەرتىن كەلە ماناربەك توسىنە كىرپىش تاس قويدىرىپ, ۇلكەن بالعامەن سىندىرتۋ, سىنعان اينەكتىڭ, شەگەنىڭ ۇستىنە جالاڭاش دەنەسىمەن جاتۋ, اينەكتىڭ ۇستىندە سازدى اۋەن ىرعاعىمەن بيلەۋ, وتكىر پىشاق, بالتامەن دەنەسىن, باشپايلارىن كەسكىلەۋ سياقتى ادامنىڭ دەنەسىن تۇرشىكتىرەتىن كورىنىستەردى ساحنا ارقىلى كورسەتۋدى قولعا الدى.
ءتىپتى, وسى كورىنىستەردى ماناربەك جۇماعاليەۆ ۇلتتىق ونەر, سالت-ءداستۇردى ناسيحاتتاۋ باعىتىندا ۇيىمداستىرىلعان زەلەنوۆ اۋدانىنداعى «ايماقتار الامانى» اتتى وبلىستىق ونەر سايىسىندا, جىمپيتى اۋىلىندا وتكىزىلگەن «دارىندىلار دوداسى» اتتى وبلىستىق ونەر سايىسىندا, جاقىندا عانا وبلىس ورتالىعىندا تويلانعان قالا كۇنىن مەرەكەلەۋدە كورەرمەندەر الدىندا جايىپ سالىپ, ولاردى ەرەكشە قاسيەتتەرىمەن تاڭ-تاماشا ەتكەنى بار.
– ءوزىم ساحناعا ەشقانداي ازىرلىكسىز شىعامىن. ايتەۋىر, جاراتقان يەنىڭ ءبىر تىلسىم كۇشى يتەرمەلەپ, ارقام, الاقانىم ەرىكسىز تۇردە قىزىپ, بويىما كۇش-قۋات ءبىتىپ تۇراتىندىعى راس. دەنە قيمىلداتىپ, جۇمىس ىستەمەسەم اۋىرامىن. ينە ساباقتاپ, جاڭاجىلدىق, ۇلتتىق كوستيۋمدەر تىگەمىن, ويۋ-ورنەكتەردى تازا تابيعي تۇردە قولمەن جاسايمىن. سونداي-اق, اعاشتان ءتۇرلى مۇسىندەردى ويىپ جاسايتىن ونەرىم دە بار, – دەيدى ماناربەك اعىنان جارىلا.
ءيا, بويىندا ونەر دارىعان وسى ءبىر 42 جاستاعى جىگىت ماناربەك بۇگىندە قاي جەردە جۇمىس بولسا, سوندا بارىپ, ءوزىنىڭ ناپاقاسىن تاۋىپ تۇر.
ال ساحناعا شىعىپ, ادام بالاسىنىڭ بويىن ۇرەيگە تولى قورقىنىشتى كورىنىستەرىمەن ءاپ ساتتە-اق ەرىكسىز باۋراپ الاتىن ماناربەككە ازىرگە تۇراقتى جۇمىس بولسا تاپتىرماي ءجۇر. تاڭعاجايىپ ونەرىمەن كوپشىلىككە تانىلىپ ۇلگەرگەن ماناربەكتى ونەردەگى باسشىلىق تۇلعالار «دەفيتسيتكە» اينالعاندا عانا ىزدەستىرەتىندەرى بار. سوندا «دەفيتسيتكە» اينالعان ماناربەكتىڭ تىلسىم ونەرىنىڭ ارمەن قاراي دامۋى, ناسيحاتتالۋى تاسادا قالا بەرمەك پە؟!
مۇسىربەك ايتاشەۆ.
باتىس قازاقستان وبلىسى.
