كوميسسيانى پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ باسقارادى. حالىقتىڭ سانى, جاسى, گەندەرلىك قۇرامى, ۋربانيزاتسيا دەڭگەيى, تابىس كولەمى باسقارۋشىلىق شەشىمدەر قابىلداۋ ءۇشىن نەگىز رەتىندە قاراستىرىلماق. وتىرىستا حالىق ساناعىن 2021 جىلدىڭ 1 قىركۇيەگىندە باستاۋ تۋرالى شەشىم قابىلدانعان. ساناق ونلاين فورماتتا sanaq.gov.kz سايتىندا 2021 جىلدىڭ 15 قازانىنا دەيىن جۇرگىزىلەدى. ازاماتتار تۇرعىلىقتى مەكەن-جايىنا قاراماستان ونلاين ساناققا قاتىسىپ, ءوزى جانە وتباسى مۇشەلەرى تۋرالى دەرەكتەردى تولتىرا الادى. الداعى ۋاقىتتا sanaq.gov.kz سايتى مەن egov.kz ەلەكتروندى ۇكىمەت پورتالى بىرلەسە جۇمىس ىستەۋى مۇمكىن.
ءداستۇرلى ساناق 2021 جىلدىڭ 1-30 قازان ارالىعىندا بارلىق سانيتارلىق تالاپتاردى ساقتاي وتىرا وتكەرىلەدى. ونلاين ساناققا قاتىسپاعان ازاماتتار دەرەكتەرى بىردەن ورتاق دەرەكتەر بازاسىنا جىبەرىلەدى. سونداي-اق ساناقشىلار كامپانيا كەزىندە پلانشەت قولدانادى.
