ستۋدەنتتەر ديپلومدارىن الا سالىپ, ماماندىق بويىنشا بىردەن جۇمىسقا ورنالاسىپ كەتۋى قيىن. جۇمىس ورىندارى دا وقۋىن ەندى تامامداعان ستۋدەنتتەن جۇمىس ءوتىلىمىن تالاپ ەتكەندىكتەن, فاكتورلار ەلدەگى جۇمىسسىزدىق سانىن دا ارتتىردى.
وسىعان وراي ءبىلىم تۋرالى زاڭعا وزگەرىستەر ەنگىزىلدى. بۇدان بىلاي كوللەدج ستۋدەنتتەرى ديپلومىن الماي تۇرىپ, ماماندىقتارى بويىنشا بىلىكتىلىگىن پراكتيكا بارىسىندا شىڭدايدى.
كاسىبي تاجىريبەسىنە كەتكەن ۋاقىتى جۇمىس ءوتىلىمى رەتىندە ەسەپتەلەتىن بولادى. قازىرگى تاڭدا ەلىمىزدە 535 كوللەدج دۋالدى ءبىلىم بەرۋ جۇيەسىنە كوشتى.
«وسى قالاداعى ءىرى كاسىپورىندارمەن دۋالدى وقىتۋ جۇيەسىندە كەلىسىم-شارتقا وتىرىپ, ءۇش ماماندىق بويىنشا وسى جۇيەگە كوشىپ جاتىرمىز. ءبىرىنشى ماماندىعىمىز – قوناق ءۇي شارۋاشىلىعى, تۋريزم ماماندىعى بويىنشا, تىگىن ءوندىرىسى جانە ۇلگىلەۋ ماماندىعى بويىنشا ءۇش ماماندىقتى دۋالدى جۇيەدە وقىتىپ جاتىرمىز», دەدى الماتى مەملەكەتتىك سەرۆيس جانە تەحنولوگيالار كوللەدجىنىڭ ديرەكتورى جارقىن جانيازوۆا.
