سپورتشىلارعا مامانداردىڭ تەرەڭدەتىلگەن تەكسەرۋلەرى, زەرتحانالىق تەكسەرۋلەر باسقا دا پاتسيەنتتەرمەن جالپى كەزەكتە جۇرگىزىلەدى. بۇل ءوز كەزەگىندە سپورتشىلارعا قولايسىزدىقتار تۋعىزىپ جانە ولاردىڭ دايىندىعى مەن ساۋىقتىرۋ پروتسەسىنىڭ ساپاسىنا اسەر ەتەدى.
وسىعان بايلانىستى سپورتشىلار ەلوردا اكىمى التاي كولگىنوۆپەن كەزدەسۋدە جەكە مەديتسينالىق مەكەمە ءبولۋدى سۇرادى. ۇسىنىس قولداۋ تاپتى.
اتالعان ديسپانسەر سپورتشىلارعا تەرەڭدەتىلگەن مەديتسينالىق تەكسەرۋلەر جۇرگىزىپ, وڭالتۋ جانە دەنساۋلىقتارىن قالپىنا كەلتىرۋگە مۇمكىندىك بەرەدى. سونداي-اق ولاردىڭ جاراقاتتانۋى, ەمدەلۋىن جانە قالپىنا كەلۋىن ەسكەرە وتىرىپ, ۋاقىتى تەكسەرۋدى, دەنساۋلىقتارىن باقىلاۋدا ۇستاۋدى قامتاماسىز ەتۋ ءۇشىن بىلىكتى سپورت دارىگەرلەرىن دە تارتۋ قولعا الىنادى دەپ جوسپارلانۋدا.
ورتالىق سپورتتىق دارىگەرلەرمەن قاتار پسيحولوگتار, ماسساجيستەر جانە سپورتشىلاردىڭ تاماقتانۋىن قاداعالايتىن ارنايى ماماندارمەن دە قامتاماسىز ەتىلەدى.
