وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, كريمينالدىق پوليتسيا باسقارماسى مەن بالىق قورىنا قىلمىستىق قول سۇعۋشىلىقپەن كۇرەس ءبولىمىنىڭ قىزمەتكەرلەرى جەدەل-ىزدەستىرۋ ءىس-شاراسىن جۇرگىزگەن ەكەن.
ء«ىس-شارا كەزىندە اتىراۋ قالاسىنا تاياۋ ورنالاسقان «گەولوگ» ىقشاماۋدانىنداعى كوپقاباتتى ۇيلەردىڭ ءبىرىنىڭ اۋلاسىندا تۇرعىن ەكى كولىكتىڭ ىشىنەن 364 دانا كيىك ءمۇيىزى تاركىلەندى. «ۆاز-21014» اۆتوكولىكتىڭ بىرىنەن 200 دانا كيىك ءمۇيىزى مەن قۇقىق قورعاۋ ورگانىندا تىركەلمەگەن قوس ۇڭعىلى «توز-16» ماركالى اڭشىلىق مىلتىعى تابىلدى. ال, ەكىنشى كولىكتە 164 دانا كيىك ءمۇيىزى مەن رۇقسات قۇجاتتارى جوق 4,5 كاليبرلى «بايكال مر-512» ماركالى قارۋ بارى انىقتالدى», دەپ حابارلادى دەپارتامەنتتىڭ ءباسپاسوز قىزمەتىنەن.
قازىر كۇدىك رەتىندە ۇستالعان يساتاي اۋدانى مەن اتىراۋ قالاسىنىڭ 23 جاستاعى ەكى تۇرعىنىنا قاتىستى قر قىلمىستىق كودەكستىڭ 339-بابى, 1-بولىگىمەن سوتقا دەيىنگى تەرگەۋ باستالدى.
