جيىن بارىسىندا «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى اياسىندا جاسالىنعان جول كارتاسىن ىسكە اسىرۋ جايى تالقىلاندى.
شىمكەنت قالاسى اكىمدىگىمەن ازىرلەنگەن 5 جىلدىق جول كارتادا قالانى دامىتۋ باعدارلاماسىنىڭ باسىمدىقتارى ەسكەرىلىپ, تۇرعىنداردى مازالايتىن ماسەلەلەر بويىنشا نەگىزگى 10 باعىت ايقىندالعان. اتاپ ايتقاندا: تۇرعىن ۇيمەن قامتاماسىز ەتۋ, الەۋمەتتىك سالانى دامىتۋ, ەكونوميكالىق الەۋەتتى جاقسارتۋ, شاعىن جانە ورتا بيزنەستىڭ دامۋىنا جاعداي جاساۋ, شالعايداعى ەلدى مەكەندەردى كوركەيتۋ, ەكولوگيالىق احۋالدى, جول جانە كولىك ينفراقۇرىلىمى مەن قوعامدىق قاۋىپسىزدىكتى جاقسارتۋ, جاستاردى قولداۋ, قالانى تسيفرلاندىرۋ. ءاربىر باعىتتى جۇزەگە اسىرۋ بويىنشا 149 ءىس-شارا قاراستىرىلعان. باعدارلامانى ىسكە اسىرۋعا جالپى 5 جىلدا 1,3 ترلن. تەڭگە قارجى قاجەت ەكەن, ونىڭ ىشىندە مەملەكەتتىك بيۋدجەتتەن – 694,5 ملرد.تەڭگە, جەكە ينۆەستورلاردىڭ ەسەبىنەن –619,4 ملرد.تەڭگە.
جيىندا ءسوز العان پارتيانىڭ قالالىق فيليالىنىڭ توراعاسى, قالا اكىمى مۇرات ايتەنوۆ جول كارتانىڭ ورىندالۋى باقىلاۋعا الىناتىنىن ايتىپ, قاجەتتى مەجەگە جەتۋ ءۇشىن قالالىق ءماسليحات دەپۋتتاتارى كورپۋسى جانە «Nur Otan» پارتياسىنىڭ قولداۋىمەن قول جەتكىزىلەتىنىن اتاپ ءوتتى.
«بارشاڭىز جاقسى بىلەسىزدەر, ەلىمىز دامۋ جولىندا ءاربىر كەزەڭدە, ءاربىر ۋاقىتتا – «Nur Otan» پارتياسىنا زور جاۋاپكەرشىلىك جۇكتەلىپ كەلەدى. پارتيا باسشىسى, ەلباسى - نۇرسۇلتان ءابىش ۇلى نازارباەۆ حالىقتىڭ جاعدايىن جاقسارتۋ بويىنشا بۇل جولى دا ناقتى ىستەردى اتقارۋ ءۇشىن مىندەتتەردى قويىپ وتىر.ءبىز بۇل باعىتتا ءتيىستى جۇمىس جاسايتىن بولامىز. اكىمدىك تاراپىنان اتقارىلعان جۇمىستار پارتيانىڭ جيىندارىندا, فورۋمداردا تىڭدالىپ, فراكتسيا مەن كوميسسيالارمەن قاداعالاناتىن بولادى. جالپى, ءبىز قازىر حالىقپەن ەتەنە ارالاسىپ, وزەكتى ماسەلەلەردى شەشۋگە جۇمىس اتقاراتىن بولامىز. شەشىلمەيتىن ماسەلە جوق.
دەگەنمەن بۇگىن شەشىلمەيتىن ماسەلەنى حالىققا ەگجەي-تەگجەي ءتۇسىندىرىپ, قاشان شەشىلەتىندىگىن ايقىنداپ ايتۋىمىز قاجەت. بىرلەسكەن جۇمىستاردىڭ ناتيجەسىندە كوپتەگەن جەتىستىكتەرگە جەتۋگە بولاتىندىعىنا سەنىمدىمىن»,-دەدى قالا اكىمى.
كونفەرەنتسيادا ساياسي كەڭەس جانە ساياسي كەڭەس بيۋروسى مۇشەلەرىنىڭ قۇرامى بەكىتىلدى.
