«پوليتسيا دەپارتامەنتى قالادا جول قاۋىپسىزدىگىن قامتاماسىز ەتۋگە ەرەكشە نازار اۋدارۋدا. بۇل باعىت ەرەكشە باقىلاۋعا الىنعان. 2020 جىلى جۇرگىزىلگەن جۇمىستاردىڭ ناتيجەسىندە جول-كولىك وقيعالارىنىڭ سانى 25,9% -عا ازايدى. جابىرلەنۋشىلەرمەن بولعان جول-كولىك وقيعالارىنىڭ سانى 27,7% -عا, ونىڭ ىشىندە بالالارمەن بايلانىستى 2,4 ەسەگە ازايدى», دەدى قانات تايمەردەنوۆ.
بۇدان سوڭ ول اكىمدىك جول قوزعالىسىن باسقارۋدى جەتىلدىرۋ مەن جول قاۋىپسىزدىگىن ارتتىرۋدىڭ 2021-2023 جىلدارعا ارنالعان كەشەندى جوسپارىن بەكىتكەندىگىن حابارلادى.
«شاھارداعى اپاتتاردى ازايتۋ ماقساتىندا “Vision Zero Almaty” جوباسى مەن كەشەندى جوسپار اياسىندا 2021 جىلى 70 رەتتەلەتىن جانە رەتتەلمەيتىن جاياۋ جۇرگىنشىلەر وتكەلدەرىن, سونداي-اق, 40 باعدارشام نىساندارىن سالۋ جوسپارلانعان. سونىمەن قاتار ءۇش مىڭنان استام جول بەلگىلەرى ورناتىلىپ, اۋىستىرىلادى. ىسكە اسىرىلىپ جاتقان شارالار اپاتتاردىڭ دەڭگەيىن 15-20% تومەندەتۋگە جانە ەكولوگيالىق جاعدايدى 10% دەيىن جاقسارتۋعا مۇمكىندىك بەرەدى», دەپ قورىتىندىلادى ول.
