رۋحاني كەزدەسۋ نۇر-سۇلتان قالاسى اكىمدىگى قر قك ۇلتتىق اسكەري-پاتريوتتىق ورتالىعى «جاس سارباز» جاسوسپىرىمدەر اسكەري-پاتريوتتىق قوزعالىسى رقب نۇر-سۇلتان قالالىق فيليالىنىڭ ۇيىتقى بولۋىمەن ءوتتى.
شاراعا مۇقاعالي ماقاتاەۆتىڭ قىزى الماگۇل جانە نەمەرەسى روزا ۆيدەو سالەمدەمەلەرىن جولداپ, ەل بولشاعى – جاستارعا ريزاشىلىقتارىن ءبىلدىرىپ, الداعى باستامالارىنا ساتتىلىك تىلەدى.
«بۇگىنگى ءوتىپ جاتقان ءىس-شارا بيىك تۇلعا, اقيىق اقىن مۇقاعالي ماقاتەۆتىڭ 90 جىلدىعىنا ارنالىپ وتىر. تاۋەلسىزدىگىمىزدىڭ 30 جىلدىعىمەن تۇسپا-تۇس كەلگەن بۇل مەرەكە ءاربىر قازاقتىڭ شاڭىراعىندا مەرەكە دەپ ويلايمىز. «جاس سارباز» تاربيەلەنۋشىلەرى وزدەرىنىڭ سياسى كەپپەگەن ولەڭ جىرلارىن اقىنعا ارناپ, سىزدەرگە ۇسىنىپ وتىر. شارا نەگىزىنەن ماقاتاەۆتىڭ 90 جىلدىعىنا ارنالعان ينستاسايىس رەتىندە جاريالانعان بولاتىن. قازىرگى تاڭدا بۇل سايىسقا 200-300-گە جۋىق ءجاسوسپىرىم اتسالىسىپ, سونىڭ ىشىندە 30-عا جۋىق قانا قاتىسۋشى ىرىكتەلىپ الىندى», دەدى «جاس سارباز» جاسوسپىرىمدەر اسكەري-پاتريوتتىق قوزعالىسى نۇر-سۇلتان قالالىق فيليالىنىڭ توراعاسى اسحات نالشىبەك.
شارا بارىسىندا «مۇقاعالي ماقاتاەۆقا ارناۋ» ينستاگرام بايقاۋىنىڭ قورىتىندىسى شىعارىلدى. بايقاۋدىڭ جەڭىمپازى رەتىندە №16 مەكتەپ وقۋشىسى ءامينا تۇگەل اتاندى. جۇلدەگەرلەر قاتارىنا №74 مەكتەپ وقۋشىسى اقنۇر تۇياقباي جانە №66 مەكتەپ وقۋشىسى اياجان مەيرامبەك ىلىكتى.
