قوسىمشانى قۇرۋمەن اينالىسقان جۇمىس توبى 25 ميلليوننان استام مالىمەتتى وڭدەپ, 5 ميلليوننان استام قاتە اقپاراتتاردى تۇزەگەن. نىسان دەرەكتەرىندە قانداي دا ءبىر قاتەلىك بولسا سالىق تولەۋشى ءموبيلدى قوسىمشا ارقىلى ءتيىستى مەملەكەتتىك ورگانعا ءوتىنىش جولداي الادى. ءوتىنىم مارتەبەسىن سول سەرۆيس ارقىلى باقىلاپ وتىرۋعا بولادى.
مەملەكەتتىك كىرىستەر كوميتەتى توراعاسىنىڭ ورىنباسارى جايدار ىڭكارباەۆتىڭ ايتۋىنشا, سەرۆيس سالىق تولەۋشىنىڭ ۋاقىتىن ۇنەمدەيدى.
«ەندى ادامدار بانككە بارىپ, كەزەككە تۇرىپ, بانك كوميسسياسىن تولەپ اۋرە بولمايدى. «E-salyq Azamat» سالىق ءاميانىندا م ۇلىك, جەر جانە كولىك سالىعى بويىنشا online تولىقتىرۋعا, اۆتوەسەپتەۋگە جانە قاراۋعا بولادى» دەدى ول.
بۇرىن سالىق تولەۋ اقپاراتى 2-3 كۇنگە سوزىلسا, ەندى بانكتەردەن مەملەكەتتىك كىرىستەر كوميتەتىنىڭ جۇيەسىنە سالىق اقپاراتتارى ونلاين رەجيمدە, 2 مينۋتتا تۇسەدى.
قوسىمشانى پايدالانۋ ارقىلى سالىق ماسەلەلەرى, ونىڭ ىشىندە كولىك, جەر, م ۇلىك سالىعىنا, كادرلىق قامتاماسىزداندىرۋعا, كەدەن سالاسىنا, مەملەكەتتىك قىزمەتكە, ەكسپورتتىق جانە كەدەندىك باقىلاۋعا, وڭالتۋ جانە بانكروتتىققا, شەتەلدىك قارجىلاندىرۋ مونيتورينگىنە قاتىستى ماڭىزدى سۇراقتاردىڭ جاۋابىن الۋعا مۇمكىندىك بار.
سونداي-اق قوسىمشاعا كىرىپ بىرجولعى جيىنتىق تولەمدى تولەۋگە, ونلاين برون جاساۋعا, سالىق بەرەشەگىڭىزدى تەكسەرۋگە بولادى. تيىسىنشە, كولىك قۇرالى مەن جەكە تابىس سالىعىن جانە ءوسىمپۇلدى دا ەسەپتەي الاسىز. ول ءۇشىن «كالكۋلياتورلار» بولىمىنە كىرۋ جەتكىلىكتى.
«E-salyq Azamat» ءموبيلدى قوسىمشاسىن App Store جانە Play Market-تەن جۇكتەپ الۋعا بولادى. قازىردىڭ وزىندە قوسىمشانى 265 مىڭنان استام ادام پايدالانىپ ۇلگەرگەن.
