ءماجىلىستىڭ جالپى وتىرىسىندا اتالعان زاڭ جوباسىنا پارلامەنت دەپۋتاتتارى باستاماشىلىق ەتكەنى ايتىلدى.
«قازىرگى كەزدە قىزمەتكەرلەردى قاشىقتان جۇمىس ىستەۋگە اۋىستىرۋ تاجىريبەسى ەڭبەك زاڭناماسىن جەتىلدىرۋ قاجەتتىلىگىن كورسەتتى. وسىعان بايلانىستى زاڭ جوباسى قاشىقتان جۇمىس ىستەۋگە بايلانىستى ەڭبەك قاتىناستارىن رەتتەۋدى كوزدەيدى. ۋاقىتشا جانە ارالاس جۇمىس, جۇمىس كەستەسىن, جۇمىس ۋاقىتىن, قىزمەتكەر مەن جۇمىس بەرۋشىنىڭ جاۋاپكەرشىلىگىن بەلگىلەۋ سياقتى جاڭا جۇمىس رەجىمدەرىن ەنگىزۋ ۇسىنىلادى», دەدى ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى, دەپۋتات ءجاميلا نۇرمانبەتوۆا.
ءجاميلا نۇرمانبەتوۆانىڭ ايتۋىنشا, جالپى العاندا, زاڭ جوباسىنىڭ قولدانىلۋىمەن وڭ قۇقىقتىق جانە الەۋمەتتىك-ەكونوميكالىق سالدارلار كۇتىلەدى.
«كوميتەت زاڭ جوباسى بويىنشا 2021 جىلعى 22 جەلتوقسانعا دەيىنگى مەرزىمدە قورىتىندى ازىرلەۋگە دايىن», دەدى ج.نۇرمانبەتوۆا.
