ءتالىمى كوپ تۋىندى

رەجيسسەر، تەاتردىڭ كوركەم­دىك جەتەكشىسى ەسلام ءنۇرتازين­نىڭ ايتۋىنشا جاڭا تۋىندى وسكە­لەڭ ۇرپاققا ادامگەرشىلىك قۇن­­دىلىقتاردى ناسيحاتتاۋعا با­عىت­تالعان.

– قازىرگى جاستاردىڭ تۇسى­نى­گىنە ساي بولۋى ءۇشىن ل.رازۋموۆ­سكايانىڭ «قىمباتتى ەلەنا سەر­گەەۆنا» اتتى اتاقتى پەساسىن بۇگىنگى كۇنگە لايىقتاپ، وزگەرتىپ ساح­نالادىق. وتكەن عاسىردىڭ 80-جىلدارى جازىلعان پەسا­نىڭ مازمۇنىن جاستاردىڭ قازىر­گى وزەكتى ماسەلەلەرىمەن بايلانىستىرا وتىرىپ، قويىلىمنىڭ اتاۋىن «ەنت تاپسىرمايمىن» دەپ قويدىق. جاڭا فورماتتا ور­بىگەن دراما جاسوسپىرىمدەردى ۇبت تاپسىرماۋعا ۇگىتتەمەيدى. قو­يى­لىمنىڭ ماقساتى – جاس­تار­دى ەسسىز ارەكەتتەردەن تۋىنداي­تىن كۇردەلى ماسەلەلەردەن اباي بو­لۋعا، ولارعا دەر كەزىندە تو­تەپ بەرۋگە شاقىرۋ جانە ادامگەر­شى­لىك قۇندىلىقتاردى دارىپتەۋ، – دەپ جەتكىزدى ەسلام نۇرتازين.

قويىلىمنىڭ قالىڭ كوپشى­لىكتىڭ كوڭىلىنەن شىققانىن كو­رەرمەن ىقىلاسى اڭعارتتى. سە­نات دەپۋتاتى، بەلگىلى جۋرناليست دا­نا نۇرجىگىت وتكەن ءداۋىر مەن بۇگىن­گى شاق وتكەلدەرىن سالىستىرا وتى­رىپ، بيىك ۇستانىمداعى ادام بولۋدىڭ قاي زاماندا دا ما­ڭىزدى دۇنيە ەكەندىگىن اتاپ ءوتتى.

– جالپى، بۇل شىعارما ماعان تانىس. 1988 جىلى شىققان ە.ريا­زانوۆتىڭ «دوروگايا ەلەنا سەر­گەەۆنا» دەگەن ءفيلمىن ءبارىمىز كوردىك. مەن ول كەزدە سول ل.رازۋ­موۆ­سكايانىڭ پەساسىنداعى كە­يىپ­كەرلەرمەن جاستى ۇرپاقتىڭ ءبىر وكىلى بولدىم. سول ۋاقىتتا دا فيلم ادامدارعا ءبىراز وي سال­عان. كەلەشەگىمىز قانداي بولادى، بولاشاق ۇرپاقتىڭ ماڭگىلىك قۇندىلىقتارعا دەگەن كوزقاراسى مەن ۇستانىمى قانداي بولادى دەگەن سۇراققا جاۋاپ ىزدەۋدىڭ ءبىر جولى وسى پەسا ارقىلى جۇر­گەن دەپ ايتقىم كەلەدى. مىنەكي، 32-33 جىلدىڭ ىشىندە ماڭگىلىك قۇن­دىلىقتار وزگەرگەن جوق. مۇ­عالىم – ىزگىلىكتىڭ، مەيىرىمدى­لىك پەن ادامي قۇندىلىقتاردىڭ شى­راقشىسى، سونىڭ ەڭ بيىك ۇلگىسى بولىپ قالا بەرۋ كەرەكتىگىن بۇگىن­گى قويىلىم تاعى ءبىر دالەلدەي ءتۇس­تى. بۇل پەسا تسيفرلى تەحنولوگيالار كەلگەن داۋىردە جاڭا ءبىر رەڭك قوسقان سياقتى. زامان ودان سايىن قاتىگەز، تالاپشىل بولىپ بارا جاتىر. سوندىقتان وسى كۇردەلى زاماندا ادام بو­لىپ قالۋدى پارىز تۇتاتىن، وسىن­داي بيىك ۇستانىمى بار جاس­تاردى تاربيەلەۋ ماڭىزدى. پا­را­ساتتىڭ مايدانىندا ىزگىلىك ءۇشىن كۇرەسۋگە دايىن ساربازدار كوپ بولسا ەكەن دەپ تىلەگىم كەلەدى، – دەدى دانا نۇرجىگىت. ال «حابار» اگەنتتىگى» اق باس­قار­ما توراعاسىنىڭ ءبىرىنشى ورىن­باسارى رينات كەرتاەۆ قويى­­لىم­­­­دا بۇگىنگى قازاق قوعامىندا بو­­­لىپ جاتقان كەرتارتپا دۇنيەلەر، كو­كەيكەستى ماسەلەلەر ەرەكشە كو­رى­نىس تاپقانىن، اۆتورلار وزەك­تى دۇنيەلەردى ۇلكەن ساحناعا ءسات­تى الىپ شىققاندىعىن جەتكىزسە، پرە­مەرانى تاماشالاۋعا كەل­­­گەن حالىقارالىق جۋرناليست، بەل­­گى­­لى تەلەجۇرگىزۋشى باقىت شويىم­بەك تە تۋىندى مازمۇنىنان ­بۇ­گىنگى زامانداستار بەينەسىنە كۋا بول­عاندىعىن اتاپ ءوتتى.

كاسىبي شەبەرلىگىمەن ءتانتى ەت­كەن بەلگىلى اكتريسا اينۇر بەرمۇ­حامبەتوۆا باستى ءرولدى سومداسا، وقۋشىلاردىڭ وبرازدارىن ادىلەت ابدۋكاديروۆ، سايات ماقۇلباەۆ مەدەت را­حىم­بەرگەنوۆ، اينا ابدىكارى­موۆا، ارداق سماعۇل، ارنات جاماش، ەركەبۇلان سەرىك­باي سىندى جاس اك­تەرلەر ۇسىن­دى. پەسانى اۋدارعان – ەسىم سەگىزباەۆ، قويۋ­شى-سۋرەتشى – ەر­لان تۇياقوۆ. پان­دەميا ونەرگە كەدەرگى ەمەس ەكەندىگىن تاعى ءبىر دالەل­دەي تۇس­كەن «Astana Musical» تەات­رى ارتىستەرى ونەرلەرىن شىڭ­­­داپ، الداعى ۋاقىتتا كو­رەر­­­مەنگە تاعى دا كوپتەگەن جا­ڭا تۋىن­دىلاردى ۇسىنباق. ۇيىم­داس­تى­رۋ­­شىلاردىڭ ايتۋىن­­شا، اقپان ايى قىزىقتى پرەمە­را­لارعا تو­لى بولماق!