(«ۇرپاقتان ارتىق قانداي بايلىق بار؟», «ەق», 6 جەلتوقسان, 2013 جىل)
باس باسىلىمدا وسىدان ەكى اپتا بۇرىن جاريالاعان «ۇرپاقتان ارتىق قانداي بايلىق بار؟» اتتى ماقالانىڭ اۆتورى سۇلەيمەن مامەتكە شىن جۇرەگىمنەن كوپتەن كوپ راحمەت ايتامىن. اسا ماڭىزدى ماسەلە ماقالادا مۇقيات, جان-جاقتى, تەرەڭ زەرتتەلگەن. مەن بۇرىن دا امەريكالىقتارعا اسىراپ الۋعا بالا بەرگەن ءبىزدىڭ ەلدىڭ تۇل جەتىم سابيلەرىنىڭ ول جاقتا قورلىق كورىپ, مازاققا ۇشىراپ جۇرگەنى تۋرالى ءبىر گازەتتەن وقىپ, قاتتى رەنجىپ: «بۇل ماسەلەنى كوتەرۋ كەرەك, ۇكىمەتتىڭ الدىنا قويۋ كەرەك!» – دەپ سىزدەرگە جازباق بولىپ ءجۇر ەدىم.
* جازىلعان جايدىڭ جاڭعىرىعى
بالا ساۋدالاۋعا بولمايدى
(«ۇرپاقتان ارتىق قانداي بايلىق بار؟», «ەق», 6 جەلتوقسان, 2013 جىل)
باس باسىلىمدا وسىدان ەكى اپتا بۇرىن جاريالاعان «ۇرپاقتان ارتىق قانداي بايلىق بار؟» اتتى ماقالانىڭ اۆتورى سۇلەيمەن مامەتكە شىن جۇرەگىمنەن كوپتەن كوپ راحمەت ايتامىن. اسا ماڭىزدى ماسەلە ماقالادا مۇقيات, جان-جاقتى, تەرەڭ زەرتتەلگەن. مەن بۇرىن دا امەريكالىقتارعا اسىراپ الۋعا بالا بەرگەن ءبىزدىڭ ەلدىڭ تۇل جەتىم سابيلەرىنىڭ ول جاقتا قورلىق كورىپ, مازاققا ۇشىراپ جۇرگەنى تۋرالى ءبىر گازەتتەن وقىپ, قاتتى رەنجىپ: «بۇل ماسەلەنى كوتەرۋ كەرەك, ۇكىمەتتىڭ الدىنا قويۋ كەرەك!» – دەپ سىزدەرگە جازباق بولىپ ءجۇر ەدىم.
سىزدەر مۇنى اياعىنا جەتكىزدىڭىزدەر. امەريكالىقتارعا اسىراۋعا بەرىلگەن ون مىڭعا جۋىق قازاقستاندىق بالالاردىڭ كەيبىرەۋلەرىنىڭ ول جاقتا قورلىق جاعدايلاردا جۇرگەنىنە ءبىز وسىلاي شىداي بەرەمىز بە؟ «قازاقستاننىڭ حالقىن قايتسەك كوبەيتەمىز؟» دەپ جۇرگەندە اسىراۋشىسى جوق تۇل جەتىم بالالارىمىزدى شەتەلدەرگە بەرۋدى ءۇزىلدى-كەسىلدى توقتاتۋ كەرەك. ونداي تۇل جەتىمدەردى اسىراپ الىپ, وسىرۋگە, تاربيەلەۋگە تەك ءوز وتانىمىزدىڭ ازاماتتارىنا عانا رۇقسات ەتىلەتىن بولسىن! وندا دا ول جەتىمدەردى العاندار قالاي تاربيەلەپ جۇرگەنى قاداعالاۋدا بولۋى كەرەك. بالا ساۋدالاۋشىلار قاتاڭ جازالانسىن!
تۇل جەتىم بالالاردى اسىراپ, وسىرەمىن, بالا قىلىپ الامىن دەۋشىلەر ءوز وتانداستارىمىزدىڭ اراسىنان تابىلماعان جاعدايدا, ونداي تاعدىر تالكەگىنە تۇسكەن ۇل-قىزدار مەملەكەتتىك بالالار ۇيلەرىندە تاربيەلەنسىن. ول مەكەمەلەردىڭ دە جۇمىسى مەملەكەت, قوعام تاراپىنان قاتاڭ قاداعالاۋدا بولۋى كەرەك.
«ەگەمەن قازاقستانعا», بارىڭىزگە ۇلكەن تابىس تىلەيمىن.
وڭالبەك اشىرباي ۇلى,
ەڭبەك ارداگەرى,
شاردارا اۋدانىنىڭ قۇرمەتتى ازاماتى.
وڭتۇستىك قازاقستان وبلىسى.
