پاۆلودار وبلىسىنىڭ تەرەڭكول اۋدانىنا جاڭا اكىم تاعايىندالدى

وبلىس اكىمى ءباسپاسوز قىزمەتىنىڭ مالىمەتىنشە, تەرەڭكول اۋدانىنىڭ اكىمى لاۋازىمىنا سەرىك باتىرعوجينوۆتىڭ كانديداتۋراسى جەرگىلىكتى ءماسليحات دەپۋتاتتارىمەن كەلىسىلگەن.

ودان سوڭ ءوڭىر باسشىسى ابىلقايىر سقاقوۆ اۋدان اكتيۆىنە جاڭا باسشىنى تانىستىردى.

سەرىك باتىرعوجينوۆ 1964 جىلى ەرتىس اۋدانىندا دۇنيەگە كەلگەن.

1990 جىلى تسەلينوگراد اۋىل شارۋاشىلىعى ينستيتۋتىن «اگرونوميا» ماماندىعى بويىنشا, 2004 جىلى قازاق گۋمانيتارلىق-زاڭ ۋنيۆەرسيتەتىن «قۇقىقتانۋ» ماماندىعى بويىنشا تامامداعان.

ەڭبەك جولىن 1985 جىلى ەرتىس اۋدانى «گولۋبوۆسكي» كەڭشارىندا جۇمىسشى بولىپ باستادى. جوعارى ءبىلىم الىپ, 1990 جىلى كەڭشاردىڭ باس اگرونومى بولدى.

1993 جىلدان 1999 جىلعا دەيىن پاۆلودارلىق «سەبات» جشس ديرەكتورى بولىپ جۇمىس ىستەدى, «بەلوۆودسكوە اقپ» اق-نى, «يسا بايزاقوۆ اتىنداعى» جشس-نى جانە ەرتىس اۋدانىنىڭ «التىنشى اۋىل» ات جشس-نى باسقاردى.

1999 جىلى مەملەكەتتىك قىزمەتكە اۋىسىپ, كاچير اۋدانى اكىمىنىڭ ورىنباسارى قىزمەتىن اتقاردى.

2000 جىلدان 2003 جىلدىڭ جەلتوقسانىنا دەيىن كاچير اۋدانىن باسقاردى.

2004 جىلعى قاڭتاردان 2011 جىلعا دەيىن ەرتىس اۋدانى «امانكول» شق باسشىسىنىڭ كەڭەسشىسى قىزمەتىن اتقاردى.

2011-2013 جىلدارى – ەرتىس اۋدانىنداعى «نۇربي» جشس ديرەكتورى.

2013 جىلدىڭ قىركۇيەك ايىندا مەملەكەتتىك قىزمەتكە ورالىپ, ەرتىس اۋدانى اكىمىنىڭ ورىنباسارى بولدى.

2014-2016 جىلدارى – اقتوعاي اۋدانىنىڭ اكىمى, 2016-2019 جىلدارى – ەرتىس اۋدانىنىڭ اكىمى.

2020 جىلى سەرىك باتىرعوجينوۆ پاۆلودار وبلىسىنىڭ اۋىل شارۋاشىلىعى باسقارماسىنا باسشى بولىپ تاعايىندالىپ, وندا جاڭا تاعايىنداۋعا دەيىن جۇمىس ىستەدى.