وتىرىستا اۋداندىق سانيتارتيالىق-ەپيدەميولوگيالىق باقىلاۋ باسقارماسى باسشىسىنىڭ مىندەتىن اتقارۋشى عابيت سارقۇلوۆ قازىر اۋداندا 6 ناۋقاستىڭ انىقتالعانىن باياندادى.
اۋدان باسشىسى اۋداندا كارانتيندىك شارالاردى قاتاڭ ساقتاۋدى, ءدارى-دارمەك قورىنىڭ جەتكىلىكتى بولۋىن قاداعالاپ, ۇنەمى باقىلاۋدا ۇستاپ وتىرۋدى جانە قامتاماسىز ەتۋدى قاتاڭ تاپسىردى. سونداي-اق, ءدارىحانالاردا بار دارىلەردىڭ ءتىزىمىن جاساقتاۋ قاجەتتىگىن دە ايتىپ ءوتتى.
سونىمەن بىرگە ءتيىستى ماماندارعا اۋداندا قۇرىلعان ءموبيلدى توپپەن بىرگە مەكەمەلەردى, كاسىپكەرلىك نىسانداردى, ساۋدا ۇيلەرىن ارالاپ تۇسىندىرمە جۇمىستارىن جۇرگىزۋدى تاپسىردى.
اۋدانارالىق اۋرۋحانا باس دارىگەرى باقىتگۇل الىشەۆا جۇقپالى اۋرۋدىڭ بالالار اراسىندا كەڭ تارالۋ قاۋپى بار ەكەنىن ايتىپ, بارىنشا ساقتانىپ ءجۇرۋ قاجەتىگىن ەسكەرتتى.
جيىن سوڭىندا اۋدان اكىمى ءتيىستى سالا باسشىلارىنا ناقتى تاپسىرمالاردى جۇكتەدى.
