جۇزدەسۋشىلەر پارلامەنتارالىق بايلانىستاردى, سونداي-اق ەكونوميكالىق جانە مادەني-گۋمانيتارلىق ىنتىماقتاستىقتى ودان ءارى نىعايتۋ ماسەلەلەرىن تالقىلادى.
«وزبەكستان – قازاقستاننىڭ ورتالىق ازيا وڭىرىندەگى نەگىزگى ساۋدا ارىپتەسى. ءبىز مەملەكەتتەر باسشىلارىنىڭ ساۋدا-ەكونوميكالىق جانە شەكارا ماڭىنداعى ىنتىماقتاستىق بايلانىستارى جونىندەگى كەلىسىمدەرىنە زور ماڭىز بەرەمىز. سونىمەن قاتار مادەني-گۋمانيتارلىق, الەۋمەتتىك جانە باسقا سالالارداعى ءوزارا ءتيىمدى ءىس-قيمىل قارقىندى دامىپ كەلەدى», دەپ اتاپ ءوتتى سەنات توراعاسى.
ماۋلەن اشىمباەۆ قازاقستان رەسپۋبليكاسى ءماجىلىسى مەن ءماسليحاتىنىڭ بيىلعى 10 قاڭتاردا وتكەن سايلاۋىن بايقاۋعا وزبەك تاراپىنىڭ بەلسەندى قاتىسقانى ءۇشىن سايديكرام نيازحودجاەۆقا العىسىن ءبىلدىردى, سونداي-اق وسى شارانىڭ ەلدى ودان ءارى دامىتۋداعى ماڭىزىنا توقتالدى.
«سايلاۋ ناۋقانى باستالعانعا دەيىن پرەزيدەنتتىڭ باستاماسىمەن ساياسي رەفورمالار توپتاماسى قابىلداندى. ول جاڭارۋلار ءبىزدىڭ ەلىمىزدىڭ ساياسي جۇيەسىن ودان ءارى جاڭعىرتۋعا باعىتتالعان بولاتىن. ونى ىسكە اسىرۋ ءۇشىن پارلامەنت ساياسي پارتيالار جانە سايلاۋ تۋرالى زاڭناماعا ءتيىستى وزگەرىستەر ەنگىزدى. پارلامەنتتىڭ VII شاقىرىلىمىنىڭ اشىلۋىندا مەملەكەت باسشىسى الەۋمەتتىك, ەكونوميكالىق جانە ساياسي سالالاردى دامىتۋ جونىندەگى جاڭا باستامالاردى جاريا ەتتى», دەدى ماۋلەن اشىمباەۆ.
سەنات توراعاسى قازاقستان مەن وزبەكستاننىڭ بارلىق سالالارداعى قارىم-قاتىناسى جوعارى قارقىنمەن دامىپ كەلە جاتقانى بايقالىپ وتىرعانىن اتاپ ءوتتى. سونداي-اق بۇكىل ورتالىق ازيا ءوڭىرىنىڭ تابىستى ەكونوميكالىق دامۋى, تۇراقتىلىعى مەن قاۋىپسىزدىگى نەگىزىنەن قازاقستان مەن وزبەكستاننىڭ ءوزارا تىعىز ءارى كەلىسىلگەن ءىس-قيمىلىنا بايلانىستى ەكەنى ايتىلدى.
ماۋلەن اشىمباەۆ سونداي-اق سەناتورلار بيىل قازاقستان مەن وزبەكستان اراسىنداعى پارلامەنتارالىق ىنتىماقتاستىقتى نىعايتۋدا بەلسەندى جۇمىس ىستەۋدى جوسپارلاپ وتىرعانىنا توقتالدى.
