ەسىرتكى ورامى ورالداعى تۇزەتۋ مەكەمەسىنىڭ ماڭىنان تابىلعان. كۇن باتىپ, قاراڭعى تۇسكەن ۋاقىتتا تۇرمە ماڭىندا كەزەكشىلىكتە جۇرگەن اسكەري جاساق شيروكايا كوشەسىندە كۇدىكتى ەر ادامدى بايقاپ قالادى. الگى ادام پوليتسيا فورماسىن كيگەن ساقشىلاردى كورگەندە بەلگىسىز زاتتى لاقتىرىپ جىبەرگەن. جاساق باستىعى باقىتجان ايتجان, جاساقشىلار المۇحامەد قاباتاەۆ پەن كينولوگ-ەفرەيتور قۇندىزبەك قاپاەۆ كۇدىكتىنى ۇزاتپادى. ال «رەممي» اتتى قىزمەتتىك يت سول ماڭدى تىمىسكىلەي جونەلىپ, ىشىندە ەسىرتكى زاتى بار قاعاز وراماسىن تاپتى.
تابىلعان ەسىرتكى ورامى مەن ونىڭ يەسى – 39 جاسار ازامات ءار قاراي تەرگەۋ ءۇشىن پوليتسيا قىزمەتكەرلەرىنە تاپسىرىلدى.
«قىزمەتتى وتكەرۋ كەزىندە كورسەتكەن قىراعىلىعى مەن جوعارى كاسىبي شەبەرلىگى ءۇشىن اسكەري جاساق 5517 اسكەري ءبولىمى كومانديرىنىڭ اتىنان ماراپاتتالدى», دەيدى «باتىس» وڭىرلىك قولباسشىلىعىنىڭ ءباسپاسوز قىزمەتىنىڭ باستىعى, پودپولكوۆنيك ەربولات سۇلتانوۆ.
ايتا كەتۋ كەرەك, «رەممي» ۇلتتىق ۇلاندا بەس جىلدان بەرى قىزمەت ەتىپ كەلەدى ەكەن. ۇلتتىق ۇلان جاۋىنگەرلەرى «رەمميدىڭ» كومەگىمەن بىلتىر ەسىرتكى ساتۋدىڭ بەس فاكتىسىن انىقتاعان.
باتىس قازاقستان
