كۇن ءتارتىبى «اعىمداعى جاعداي تۋرالى» بايانداماسىمەن نۇر-سۇلتان قالاسى جانە قالا اۋماعىندا كوكتەمگى تاسقىن سۋلاردى وتكىزۋگە دايىندىق بويىنشا نۇر-سۇلتان قالاسى تج دەپارتامەنتى باستىعىنىڭ ورىنباسارى پولكوۆنيك بايىروۆ ە. ا ءسوز سويلەدى.
نۇر-سۇلتان قالاسى بويىنشا 2021 جىلعى سۋ تاسقىنى كەزەڭىنە اۋدان اكىمدىكتەرىمەن بىرلەسىپ 29 سۋ تاسقىنى قاۋپى بار ۋچاسكە انىقتالدى: الماتى اۋدانى بويىنشا – 7 ۋچاسكە, بايقوڭىر اۋدانى بويىنشا – 8 ۋچاسكە, ەسىل اۋدانى بويىنشا – 9 ۋچاسكە, سارىارقا اۋدانى بويىنشا – 5 ۋچاسكە.
ازاماتتىق قورعاۋ ورگاندارىنىڭ توبى, سونداي-اق قالانىڭ كوممۋنالدىق قىزمەتى تۇراقتى دايىندىققا كەلتىرىلدى. جەرگىلىكتى اۋقىمداعى تج جويۋعا ارنالعان ءىس-قيمىل جوسپارى جانە 2021 جىلى نۇر-سۇلتان قالاسىنىڭ اۋماعىندا سۋ تاسقىنى كەزەڭىندەگى توتەنشە جاعدايلاردىڭ الدىن الۋ جونىندەگى كەشەندى جوسپار بەكىتىلدى. جوسپارلانعان ءىس-شارا شەڭبەرىندە «كوكتەم 2021» ركشو اۋماقتىق مەملەكەتتىك ازاماتتىق قورعاۋ جۇيەسىنىڭ دايىندىعىنا تەكسەرۋ جۇرگىزىلەدى.
كۇن تارتىبىندە «نۇر-سۇلتان قالاسىنىڭ اۋماعىندا كوكتەمگى تاسقىن سۋلاردى وتكىزۋدىڭ اعىمداعى جاي-كۇيى جانە وعان دايىندىق تۋرالى» قاراستىرىلدى.
سۇراقتى قاراستىرۋ كەزىندە قالا اۋماعىنان تاسقىن سۋلاردى قاۋىپسىز وتكىزۋ, گيدروتەحنيكالىق قۇرىلىستاردىڭ قاۋىپسىز جۇمىس رەجيمى, قورعانىس بوگەتتەرىن ۇستاۋ جانە سۋ باسۋ قاۋپى بار ۋچاسكەلەردە تاسقىنعا قارسى شارالار وتكىزۋگە ەرەكشە نازار اۋدارىلدى.
كۇن ءتارتىبىن قاراۋ ناتيجەلەرى بويىنشا قالا قىزمەتتەرىنە توتەنشە جاعدايلاردىڭ الدىن الۋعا جانە ازاماتتىق قورعاۋدىڭ اۋماقتىق كىشى جۇيەسىنىڭ تۇراقتى جۇمىس ىستەۋىنە باعىتتالعان ناقتى تاپسىرمالار بەرىلدى.
