«بۇل بەتتەگى اعاشتار شىعىمى جاقسى. قازىر مۇندا ەگىلگەن سىر تالىنىڭ 90 پايىزدان استامى شىعىپ تۇر. كۇرە جولدىڭ كەنت جاعىنداعى تال-داراقتىڭ جاعدايىنا الاڭداۋلى ەدىك. «اقكيىز» كانالىنىڭ ارناسى تازالانعاننان كەيىن اياق سۋدان پروبلەما بولماۋ كەرەك»,-دەدى قازالى ورمان جانە جانۋارلار دۇنيەسىن قورعاۋ مەكەمەسىنىڭ ءبولىم باسشىسى بۋراباي ورازعاليەۆ.
سالا مامانىن مۇقيات تىڭداعان اۋدان باسشىسى جاسىل بەلدەۋدەگى جۇمىستاردى ودان ءارى جانداندىرىپ, جەلەكتىڭ جايقالىپ كەتۋىنە كوپ كوڭىل ءبولۋدى تاپسىردى.
مۇنان سوڭ ايتەكە بي كەنتىنە كىرە بەرىس جولدىڭ قوس قاپتالىنداعى جاسىل بەلدەۋ ماڭىندا اتقارىلعان جۇمىستارمەن تانىستى. مۇندا ارىق بويىنداعى سۋدىڭ تۇيىقتالىپ قالۋى وسكىندەردىڭ بوي الىپ كەتۋىنە كەدەرگى كەلتىرىپ تۇر.
بۇل ماسەلەنى شەشۋ ءۇشىن اۋدان باسشىسى مۇرات ەرگەشباەۆ كەنت اكىمى قايراقباي ورىنباساروۆقا كەشەندى جوسپار دايىنداۋدى تاپسىردى.
كەنت اكىمى اۋدان ورتالىعىنداعى جاسىل جەلەكتىڭ سانىن كوبەيتۋ ماقساتىندا تاعى ءبىر جوبا دايىنداعاندارىن جەتكىزدى. بۇل جاسىل بەلدەۋ ايتەكە بي كەنتىنىڭ «مەكتەپباي» ۋچاسكەسى جاعىندا ورنالاسادى. اۋماعى 5,6 گەكتار. جوبا قۇنى دا قوماقتى. ونىڭ ىشىندە جەردى دايىنداۋ جۇمىستارىنان باستاپ تالداردى كۇتىپ ۇستاۋ شىعىندارى دا قاراستىرىلعان.
اۋدان باسشىسى بۇل جوبانى قولداپ, وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنا ۇسىنىس بەرۋدى تاپسىردى.
