سۋرەتتى تۇسىرگەن تىلەۋبەك شاياحمەت
سالتاناتتى شارادا وبلىس اكىمى دانيال احمەتوۆ پرەزيدەنت قاسىم-جومارت توقاەۆتىڭ شەشىمىمەن بيىل تاۋەلسىزدىكتىڭ 30 جىلدىعى دەپ جاريالانعانىن ايتىپ, وسى كەزەڭ ىشىندە قازاقستاننىڭ الەمدەگى دامىعان ەلۋ ەلدىڭ قاتارىنا ەنىپ, حالىقارالىق قاۋىمداستىقتىڭ تەڭ دارەجەلى مۇشەسىنە اينالعانىن اتاپ ءوتتى. سونىمەن قاتار ول قازاقستاننىڭ جەتكەن جەتىستىكتەرىن تۇڭعىش پرەزيدەنت – ەلباسى ەسىمىمەن تىعىز بايلانىستىرىپ, الداعى مەرەيتوي ەڭ الدىمەن اۋىزبىرشىلىگىمىزدىڭ مەرەكەسى ەكەنىن ايرىقشا ءسوز ەتتى. سەبەبى قوعامدا ورنىققان تۇراقتىلىق, ءوزارا كەلىسىم مەن ورتاق مۇددە جولىنداعى جاسامپاز ەڭبەك قارقىندى دامۋىمىزدىڭ نەگىزى ءارى كەپىلى بولىپ وتىر.
– تاعدىر ءبىزدىڭ ۇرپاققا تاۋەلسىزدىككە قول جەتكىزۋ باقىتىن سىيلاپ, ونى كوزدىڭ قاراشىعىنداي ساقتاۋدى امانات ەتتى. تاريحي مىندەتتى ابىرويمەن ىسكە اسىرۋ – بارشامىز ءۇشىن قاسيەتتى پارىز. وسى جولدا سىزدەرگە تولايىم تابىس, ىنتىماق پەن بەرەكە تىلەيمىن! مەملەكەت تۇعىرى بەرىك, ەل رۋحى بيىك, تاۋەلسىزدىكتىڭ 30 جىلدىق مەرەيتويىنىڭ سالتاناتتى اشىلۋى قۇتتى بولسىن! – دەدى ايماق باسشىسى.
سالتاناتتى شارا شاعىن كونتسەرتپەن جالعاسىن تاپتى. ساحنا تورىنە «التاي», «پيرۋەت» بي انسامبلدەرى شىقتى. «ان سال دار» انشىلەر توبى تۇڭعىش پرەزيدەنت نۇرسۇلتان نازارباەۆتىڭ سوزىنە جازىلعان «وتان انا» ءانىن ورىندادى, بالالاردىڭ «ينكورو» جانە «ىڭكار» توپتارى ەلباسىنىڭ ءسۇيىپ ايتاتىن «اۋىلىم» ءانىن تامىلجىتا شىرقادى, بالالار حورى مەن «فلەش» زاماناۋي بي توبى «قازاقستان بالالارى» قويىلىمىن ۇسىنىپ, ونەرلەرىن كورسەتتى. سالتاناتتى شارا سوڭىندا بۇكىل ونەرپاز زالداعى كورەرمەندەرمەن بىرگە ءانۇراندى شىرقادى.
اتاپ وتەرلىگى, ەلدەگى جاعدايعا بايلانىستى 510 ادامعا ارنالعان زالداعى سالتاناتقا 50 ادام قاتىستى. ولاردىڭ بارلىعى ءىس-شارا باستالار الدىندا ەكسپرەسس-تەست تاپسىردى.
شىعىس قازاقستان وبلىسى
