كۇدىكتى 2006 جىلى تەلەفون ارقىلى زورلىق-زومبىلىق كورسەتەم دەپ قورقىتىپ, رەسەي ازاماتىنان ۇلكەن مولشەردە اقشا تالاپ ەتكەن. نۇر-سۇلتان قالالىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ومبى وبلىسىنىڭ ءىىب وسى دەرەك بويىنشا رف قك 330-بابىمەن قىلمىستىق ءىس قوزعاعان.
2019 جىلدىڭ 28 اقپانىنان باستاپ بۇل ازاماتقا مەملەكەتارالىق ىزدەۋ جاريالاندى. ەلوردا كوشەلەرى مەن قوعامدىق ورىندارىندا ءتيىستى قۇقىقتىق ءتارتىپتى قامتاماسىز ەتۋ, ەلوردا اۋماعىندا زاڭسىز كوشى-قوندى انىقتاۋ جانە جولىن كەسۋ ماقساتىندا 1-5 اقپان ارالىعىندا «ميگرانت» جەدەل-الدىن الۋ شاراسى وتكىزىلدى.
پوليتسيا قىزمەتكەرلەرى شەتەل ازاماتتارى زاڭسىز ءجۇرۋى مۇمكىن ورىنداردى, قۇرىلىس نىساندارىن, ادام كوپ جينالاتىن جەرلەردى تەكسەرىپ جاتىر. شارا باستالعاننان بەرى شەتەلدىك ازاماتتاردىڭ قازاقستاندا ءجۇرىپ-تۇرۋ ەرەجەسىن بۇزۋدىڭ 150-دەن استام فاكتىسى انىقتالدى, حالىقارالىق ىزدەۋدە جۇرگەن ءۇش شەتەلدىك ازامات ۇستالدى.
