حالىقارالىق قىزىل كرەست كوميتەتىنىڭ قازاقستان رەسپۋبليكاسىنداعى وكىلدىگى قازاقستاننىڭ بىتىمگەرشىلىك كونتينگەنتىن بۇۇ-نىڭ بىتىمگەرشىلىك وپەراتسيالارىنا قاتىسۋعا دايارلاۋ شەڭبەرىندە اسكەري قىزمەتشىلەرمەن كەزەكتى ترەنينگ وتكىزدى.
ەكى كۇن بويى 25 اسكەري قىزمەتشى حالىقارالىق گۋمانيتارلىق قۇقىق ماسەلەلەرى بويىنشا وقىپ, بىتىمگەرشىلىك وپەراتسيالارى كەزىندە سوعىس جۇرگىزۋ قاعيدالارىنىڭ قولدانۋ ەرەكشەلىكتەرىن تالقىلادى, سونداي-اق ءىس جۇزىندە مىسالدار كەلتىردى.
«بۇگىنگى العان ءبىلىم قارۋلى قاقتىعىس جاعدايلارىندا حالىقارالىق گۋمانيتارلىق قۇقىق نورمالارىن قولدانۋدا قازاقستاندىق اسكەري قىزمەتشىلەردىڭ الەۋەتىن نىعايتۋعا قىزمەت ەتەدى دەپ ۇمىتتەنەمىز», دەپ اتاپ ءوتتى قازاقستان رەسپۋبليكاسىنداعى حقكك ميسسياسىنىڭ باسشىسى ءمادينا باكيەۆا.
ءىس-شارا حالىقارالىق قىزىل كرەست كوميتەتى مەن قورعانىس مينيسترلىگى اراسىنداعى ىنتىماقتاستىقتىڭ جىلدىق جوسپارىن ىسكە اسىرۋ اياسىندا ءوتتى. ەستەرىڭىزگە سالا كەتەيىك, قازىرگى ۋاقىتتا ليۆان رەسپۋبليكاسىندا ءتورتىنشى بىتىمگەرشىلىك روتا بار, ونىڭ ميسسياسى وسى جىلى ناۋرىز ايىندا اياقتالادى.
